web counter
LEXO PA REKLAMA!

SHKARKO APP

App Store
Google Play

Legalizimi i kanabisit/ Bylykbashi akuza qeverisë: Po përpiqet të inkriminojë opinionin publik

14 Prill 2022, 19:39, Politikë CNA

Deputeti Oerd Bylykbashi është shprehur se propozimi për legalizimin e kanabisit është një instrument propagandistik për të justifikuar veprime që më pas i përgjigjen votës.

Sipas Bylykbashit kanabizimi i vendit apo fuqizimi i grupeve kriminale vishet më një pudër që përpiqet të inkriminojë opinionin publik për të thënë se ishin ata që e kërkuan legalizimin e kanabisit.

?Kongresi i PS-së dhe propozimi për legalizimin e kanabisit ishte një instrument propagandistik për të justifikuar veprime që më pas i përgjigjen votës. Ka kërkuar dhe ka fabrikuar një përgjigjie për të justifikuar vendimet e tij për të thënë unë pyeta publikun.

Një qeverie i mjaftojnë mandate që merr, sa më pak legjitimitet të kesh do përpiqesh të sajosh. Një qeveri demokratike do testojë për programin e saj në zgjedhjet e ardhshme. Zgjedhjet e 25 prillit janë masakër, shit-blerja e votës është fenomeni më katastrofik.

Unë blej vota dhe më pas sajon konsensusin publik përmes një anketimi që ai e quan Këshillimi Kombëtar.

Për të ardhur tek këto çështjet sensitive, kanabizimi i vendit apo fuqizimi i grupeve kriminale vishet më një pudër dhe përpiqet të inkriminojë opinionin publik për të thënë se në fund të fundit po e kërkoni ju.

I japim një veshje publike sepse shqiptarët këta janë, është instrument që justifikon veprime të kësaj qeverie. Aktet normative të qeverisë po kalojnë njëra pas tjetrës, numër impresionant dhe ku Parlamenti vetëm vendos vulën, dhe krijohen këto instrumenta shtesë si vello e jashtme, këto ligjet që po dalin për persona.

Të gjitha këto do fillojnë të legalizohen gjoja përmes publikut, është i rrezikshëm si model qeverisjeje?, tha Bylykbashi./ CNA.al





Lajmet e fundit nga