web counter
LEXO PA REKLAMA!

SHKARKO APP

App Store
Google Play

Ish-kapiteni bardhekuq: Mëkat të rrëzohet Skënderbeu, nuk duhet të dorëzohen

14 Prill 2022, 18:25, Sport CNA

Humbja me Tiranën duket sikur i vuri kapakun çështjes së mbijetesës te skuadra e Skënderbeut, duke shuar ato pak shpresa që kishin mbetur për mbijetesë. Ish-kapiteni i Skënderbeut, Stavrion Lako, i cili ka qenë pjesë e ekipit edhe që në një prej viteve më të vështira, pikërisht në sezonin 2009-2010, nuk kërkon të dorëzohet. Ai mendon se fajin e ka gjendja psikologjike e lojtarëve dhe mbi të gjitha dëmtimet e shumta që po shoqërojnë Skënderbeun gjatë kësaj periudhe.

Për Lakon, humbja ndaj Tiranës ishte e paralajmëruar duke parë mungesat, ndërsa shifrat e thella rëndojnë më tepër psikologjinë e çdo futbollisti. Ish-mbrojtësi, edhe pse realist për shanset e pakta, kërkon nga ekipi që të gjejë forcën e reagimit si në 2009-ën. Edhe pse mbijetesa duket në kufijtë e së pamundurës, ish-kapiteni i korçarëve duke folur për “Panorama Sport” është i mendimit se përderisa matematika e lejon, askush në skuadër nuk duhet të dorëzohet.

?Mbijetesa tashmë sa vjen e vështirësohet dhe do të ishte mëkat që ky ekip të binte në një kategori më poshtë. Nuk kanë arsye pse të lëshojnë veten, matematika tregon qartë se shanset janë ende të hapura. Kjo më kujton sezonin 2009-2010, kur ishim në fund të renditjes dhe me shumë rezultate negative radhazi, por nuk e lëshuam aspak motivimin dhe arritëm zonën ?play out?, duke mundur Kamzën dhe shpëtuar. Të njëjtën gjë duhet të bëjmë edhe tani. Faktet flasin për një mision të vështirë në kufij të së pamundurës, por askush s?ka pse të heqë dorë deri në fund?, deklaroi  Lako, i cili ka fituar edhe një titull kampion me bardhekuqtë.





Lajmet e fundit nga