web counter
LEXO PA REKLAMA!

SHKARKO APP

App Store
Google Play

Përplasi me makinë bashkëshorten, policia në kërkim të ‘Toto’ Salvios…

14 Prill 2022, 13:28, Sport CNA

Eduardo ?Toto? Salvio është shpallur në kërkim. Sipas mediave argjentinase, lojtari i Boca Juniors dyshohet se mëngjesin e sotëm ka aksidentuar me makinë bashkëshorten e tij dhe më pas është arratisur. Aktualisht ai është shpallur në kërkim nga policia.

Sipas informacioneve të sipërpërmendura, ishte ora 5 e mëngjesit, kur Eduardo Salvio, futbollisti i Bocas, ka përplasur gruan e tij Magalí Aravena, në Puerto Madero.

Në një raport të shkurtër të policisë saktësohet se gruaja e ka gjetur lojtarin në makinën e saj me një femër tjetër, në kryqëzimin e Azucena Villaflor dhe Juana Manso.

Bashkëshortja e tij ka qëndruar para makinës dhe ka kërkuar që të bisedojnë. Por në vend që të ndalonte, Salvio i ka dhënë me shpejtësi makinës, duke e aksidentuar bashkëshorten dhe është larguar menjëherë nga vendi i ngjarjes

Magalí Aravena nga aksidenti ka pësuar një ?traumë në gjymtyrën e poshtme të djathtë? dhe është trajtuar në spitalin mjekësor të Puerto Maderos. Policia lokale është vënë në kërkim të futbollistët të Bocas, Eduardo ?Toto? Salvios.

Magalí Aravena është një modele dhe biznesmene e suksesshme e botës së modës, përveçse ka një prani të rëndësishme në rrjetet sociale. Gjatë dekadës së fundit, ajo ishte e gatshme të shoqëronte Salvion kudo që karriera e tij e kërkonte: qoftë gjatë udhëtimit të tij të gjatë nëpër Spanjë dhe Portugali, ose në kthimin e tij në Argjentinë, në mënyrë që Toto të mund të përmbushte ëndrrat e tij.





Lajmet e fundit nga