E fundit!

07:35 Ekonomi

Pas vizave e “braktisën”, këtë vit turistët nga Kosova i rikthehen sërish Shqipërisë

Shqipëria vazhdon të mbetet destinacioni kryesor i pushues...

Raporti i DASH / Vasili: Tregoi plagët e thella që Rama dhe Rilindja i shkaktuan vendit

12 Prill 2022, 19:18, Politikë CNA

Nënkryetari i Lëvizjes Socialiste për Integrim, Petrit Vasili, ka reaguar në lidhje me raportin e publikuar nga Departamenti Amerikan i Shtetit, të publikuar sot.

Me anë të një postimi në rrjetin social Facebook, Vasili renditi plagët që sipas tij, Rilindja dhe kryeministri Edi Rama i kanë shkaktuar vendit.

?Departamenti Amerikan i Shtetit tregon shume qarte plaget e thella te shkaktuara Shqiperise nga Edi Rama dhe rilindja :

Zgjedhjet e shkaterruara nga rilindja:

“Megjithatë raporti i Organizatës për Siguri dhe Bashkëpunim në Evropë, theksoi disa mangësi, duke përfshirë blerjen e votave, rrjedhjen e të dhënave të ndjeshme personale dhe avantazhin e konsiderueshëm të fituar nga partia në pushtet për shkak të të qenit në pushtet?,

Shkaterrimi i pavaresise se gjyqsorit:

“Megjithëse kushtetuta parashikon një gjyqësor të pavarur, presioni politik, frikësimi, korrupsioni dhe burimet e kufizuara e penguan gjyqësorin të funksiononte plotësisht, në mënyrë të pavarur dhe efikase?. “Politizimi i emërimeve të kaluara në Gjykatën e Lartë dhe Gjykatën Kushtetuese herë pas here kërcënoi të minonte pavarësinë dhe integritetin e këtyre institucioneve?. “Ndërsa individët dhe organizatat mund të kërkojnë instrumenta juridike civile për shkeljet e të drejtave të njeriut, janë raportuar raste të korrupsionit gjyqësor, joefikasitetit, frikësimit dhe ndërhyrjes politike, thotë raporti”.

Thellimi galopant i korrupsionit qeveritar:

“Korrupsioni ishte i përhapur në të gjitha degët e qeverisë dhe zyrtarët shpesh u përfshinë në praktika korruptive pa u ndëshkuar”.

Pandeshkueshmeria e qeveritareve

“Mosndëshkimi mbeti një problem, megjithëse Organi i Specializuar për Antikorrupsionin dhe gjykatat antikorrupsion bënë përparim të rëndësishëm gjatë vitit në hetimin, ndjekjen penale dhe dënimin e zyrtarëve të lartë dhe krimit të organizuar?.

Policia shkel ligjin ne emer te qeverise

Policia nuk e ka zbatuar gjithmonë ligjin në mënyrë të barabartë. Lidhjet personale, politike ose kriminale, infrastruktura e mangët, mungesa e pajisjeve dhe mbikqyrja e pamjaftueshme shpesh patën pasoja në zbatimin e ligjit

Shantazhi dhe presioni ndaj medias

“Presioni politik, korrupsioni dhe mungesa e fondeve kufizuan median e pavarur të shkruar dhe gazetarët sipas njoftimeve u angazhuan në autocensurë?.

Skandali i te dhenave personale te 900 mije qytetareve:

Gjatë fushatës së zgjedhjeve parlamentare të vitit, u bë e njohur se një bazë të dhënash me informacionin personal dhe detajet e kontakteve të rreth 900,000 qytetarëve, si dhe preferencat e tyre të mundshme partiake, u bënë publike, duke i ekspozuar votuesit ndaj presionit të mundshëm?, shkruan Vasili./ CNA.al