E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Endi Nakuçi, kush është basketbollisti fierak që po shkëlqen te Apolonia

8 Prill 2022, 18:34, Sport CNA

Ditë festive në qytetin e Fierit! Skuadra e Apolonisë u shpall kampione e Kategorisë së Parë në basketboll. Djemtë fierakë të drejtuar nga trajneri Aldi Germau mposhtën me rezultatin 85-69 Flamurtarin e Vlorës, duke hipotekuar kështu trofeun mëse të merituar.

Apolonia ishte superior ndaj çdo kundërshtari në Kategorinë e Parë, teksa në fund ky dominim u kurorëzua me këtë sukses që ka bërë krenar të gjithë qytetarët e Fierët.

Skuadra e Apolonisë, ka në gjirin e saj, mjaft basketbollistë të talentuar, teksa spikat 24-vjeçari Endi Nakuçi. Me paraqitjet e tij fantastike firaku, ka dhënë kontributin e tij të vyer, në këtë sukses spektakolar të ekipit.

Djaloshi i talentuar dhe me një të ardhme të ndritur, është pjesë e basketbollit, që prej vitit 2014, ku luan në pozicion qendre. Prej 5 sezonesh Endi ka milituar me skuadrën e Eagles, duke bërë mjaft mirë. Ndërkohë që nga viti 2019, Nakuçi është pjesë e Apolonisë. Me kalimin e sezoneve, 24-vjeçari po perfeksionohet, duke shpalosur më së miri talentin e tij.

Gjasat janë të mëdha që ky basketbollistë të lerë gjurmë të mëdha, edhe në sezonin e ardhshëm, ku Apolonia do të luajë në Superligën Shqiptare, duke u përballur me skuadrat më të mira të kampionatit.

Me basketbollistë të talentuar si Nakuçi, Ajdhoni, Shkurti, Hebeja, Como, etj, e ardhmja e skuadrës fierake pritet të jetë e suksesshme edhe në elitën e basketbollit.

Suksesi i Apolonisë në Kategorinë e Parë, është përshëndetur edhe nga kryebashkiaku i Fierit, Armando Subashi, që ka bërë një postim special në faqen zyrtare në ?Facebook?, duke shkruar:

?Apolonia Kampion i Kategorisë së Parë në Kampionatin e Basketbollit Me fitoren e sotme ndaj Flamurtarit, Apolonia renditet në krye të kategorisë së parë, duke siguruar kështu ngjitjen në elitën e basketbollit shqiptar dhe përballjen vitin e ardhshëm me skuadrat më të mira të Superligës Shqiptare. Suksese Kampiona?.