web counter
LEXO PA REKLAMA!

SHKARKO APP

App Store
Google Play

Vrasja e Iliaz Çalit/ Policia heton për kromin, por s’ka asnjë provë

6 Prill 2022, 11:12, Kronika CNA

Të dhënat e grumbulluara deri tani për vrasjen e Iljaz Çalit po i çojnë hetuesit në një drejtim, kromi në Bulqizë.

Pavarësisht dyshimeve për konfliktin me dy biznesmenët të përmendur nga familjarët e viktimës, nuk është gjetur asnjë provë që t’i përfshijë, për këtë arsye nuk është marrë asnjë masë ndaj tyre pasi mbetet vetëm në kuadrin e deklaratave dhe dyshimeve.

Grupi i hetimit nuk disponon ende materiale rreth marrëveshjes që është dakordësuar mes Çalit dhe biznesmenëve për administrimin e galerisë së kromit që viktima kishte në Bulqizë, qoftë të shkruar apo noterizuar me përfshirjen e palëve dhe afateve kohore për shlyerje detyrimesh.

Me sa duket, kjo marrëveshje ka qenë në kuadrin e mirëbesimit dhe të njohjes së ndërsjelltë. Hetuesit dyshojnë për vrasës profesionistë dhe me pagesë, por akoma nuk kanë në duar asnjë të dhënë për ta apo porositësit e mundshëm. Pavarësisht kësaj, ekziston besimi që gjatë hetimit të përftohen elementë të rëndësishëm që do t’i shërbenin zbardhjes së ngjarjes.

Kamerat e sigurisë përgjatë itinerarit që ka ndjekur viktima, kanë fiksuar në disa vende Çalin dhe automjetin me të cilin udhëtonte, por një burim shprehet se bëhet fjalë për një itinerar të gjatë, dhe duhet kohë pasi është e vështirë të përftohen të dhëna për çdo automjet që shfaqet në afërsi të viktimës.

Përveç kësaj, nuk përjashtohet pista që autorët të kenë lëvizur me automjet të vjedhur dhe me targa të falsifikuara. Deri tani, nuk është gjetur asnjë gjurmë e këtij të fundit, qoftë vizuale apo tentative për ta zhdukur.

SYRI TV kontaktoi më të afërm të viktimës Iljaz Çali, të cilët thonë se kanë vendosur që qëndrimet e tyre t’i shprehin vetëm përballë autoriteteve që po merren me hetimin e vrasjes./ Syri tv





Lajmet e fundit nga