web counter
LEXO PA REKLAMA!

SHKARKO APP

App Store
Google Play

E fundit!

x

“Gazprom Germania” merret në kontroll nga shteti/ Habeck: Bëhet për të mbrojtur sigurinë e rendin publik

4 Prill 2022, 18:12, Kosova & Bota CNA

Ministri gjerman i Ekonomisë, Robert Habeck, ka bërë sot me dije se Gazprom Germania të premten do të kalojë nën drejtimin e shtetit.

Gazprom Germania është një kompani e cila merret me blerjen, magazinimin dhe transmetimin e energjisë. Më parë Gazprom Germany ka qenë nën drejtimin e Gazpromit të Rusisë.

?Të gjitha të drejtat e votës në kompani do të transferohen te rregullatori, Bundesnetzagentur Urdhëri shërben për të mbrojtur sigurinë dhe rendin publik dhe për të ruajtur sigurinë e furnizimit. Ky hap është i detyrueshëm?, tha Habeck në një konferencë shtypi.

Ai shtoi se siguria e furnizimit ishte e garantuar, pavarësisht kohës së vështirë që po përjetohet në shit-blerjen e energjisë mes Gjermanisë e Rusisë me nisjen e luftës në Ukrainë.

Bundesnetzagentur do të marrë kontrollin deri më 30 shtator 2022, kohë kur do të ketë të drejtë të largojë drejtuesit, të punësojë staf të ri dhe të pyesë menaxhmentin se si të vazhdojë.

“Qëllimi ynë do të jetë të drejtojmë Gazprom Germania në interes të Gjermanisë dhe Evropës?, tha Klaus Mueller, kreu i Bundesnetzagentur në një deklaratë.

Ministria e Ekonomisë tha se masa ishte për të shmangur blerjen e mundshme të Gazprom Germania nga JSC Palmary dhe Gazprom export business services LLC, të dyja të lidhura me Rusinë./ CNA.al





Lajmet e fundit nga