web counter
LEXO PA REKLAMA!

SHKARKO APP

App Store
Google Play

Krime lufte në Ukrainë/ Sa i mundshëm është një gjyq ndaj Putinit

4 Prill 2022, 16:29, Kosova & Bota CNA

Presidenti amerikan Joe Biden ka bërë thirrje që homologu i tij rus Vladimir Putin të përballet me gjyqin për krimet e dyshuara të luftës në Ukrainë. Por cila është mundësia që Putin të përfundojë në gjykatë?

BBC raporton se është shumë më e lehtë të akuzosh për krime lufte një ushtar që e kryen krimin, dhe shumë më e vështirë të akuzosh për të njejtën gjë liderin që dha urdhërin që një krim i tillë të kryhet.

Një nga sfidat përfshin krijimin e një zinxhiri komandues që provon se një lider ka autorizuar kryerjen e krimit apo thjeshtë ?ka mbyllur një sy? dhe ka lejuar që të ndodhë.

Gjykata Ndërkombëtare Penale është një organ i përfshirë në ruajtjen e të ashtuquajturave “rregulla” të luftës. Kryeprokurori i saj ka thënë se ka një bazë të arsyeshme për të besuar se krime lufte kanë ndodhur në Ukrainë.

Por megjithëse gjyqtarët e GJNP-së mund të lëshojnë urdhër-arreste, gjykata nuk ka forcën e saj policore. Në vend të kësaj, ajo mbështetet te shtetet anëtare për të arrestuar të dyshuarit dhe Rusia nuk është më anëtare.

Kujtojmë që Moska vijon të këmbëngulë se në sulmet e saj në Ukrainë nuk shënjestrohet popullata civile./ CNA.al





Lajmet e fundit nga