web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet Presidenciale e Parlamentare në Serbi/ Konflikti me Kosovën dhe ajo që pritet të ndodhë nesër

2 Prill 2022, 20:11, Kosova & Bota CNA

Ditën e nesërme në Serbi mbahen zgjedhjet parlamentare dhe ato presidenciale. Ajo që tërhoqi vëmendjen në lidhje me zhvillimin e tyre, ishte votimi ose jo i qytetaëve serbë të cilët jetojnë në Kosovë dhe që janë të pajisur me shtetësi të dyfishtë.

Në zgjedhjet e mëparshme, autoritetet e Kosovës lejonin organizimin e qendrave të votimit në terrorin e Kosovës, në mënyrë që votimi i serbëve atje të ishte më i lehtë. Procesi mbikqyrej nga OSBE-ja, praktikë kjo e nisur që nga 2017.

Ajo që bëri ndryshimin këtë radhë, është kundërshtimi i qeverisë së Kosovës për lejimin e mbajtjes së këtyre zgjedhjeve, me arsyetimin se ishte në kundërshtim me ligjet dhe Kushtetutën e Kosovës.

Kjo ngjalli reagime të shumta nga ndërkombëtarët, Bashkimi Europian dhe vendet e Quint-it. Ata kërkuar lejimin e organizimit të procesit siç ka ndodhur me qeveritë paraardhëse, madje garantuan mbikqyrjen e kujdesshme të OSBE-së ndaj procesit.

Zoti Kurti, përdori një ?rreng?, duke pretenduar se do të lejonte votimin në Kosovë të qytetarëve me shtetësi të dyfishtë, vetëm nëse arrihej një marrëveshje mes qeverisë së Beogradit dhe asaj të Prishtinës. Ky propozim u hodh poshtë nga presidenti serb Aleksandar Vuçiç, i cili u shpreh se kjo do të nënkuptonte që Serbia të njohte Kosovën dhe institucionet e saj. Ndaj edhe një kërkesë nga Qeveria e Serbisë drejtpërdrejt Qeverisë së Kosovës nuk ndodhi.

Votimi në procesin e nesërm do të kryhet në vendvotimet në komunat në Serbinë qendrore.

Ka dyshime që në veri të Kosovës ndoshta mund të krijohen edhe probleme gjatë ditës së nesërme, referuar kjo deklaratës së kryeministrit Albi Kurti, se strukturat ilegale të Serbisë po mundohen të përgatisin dhe të organizojnë zgjedhjet në territorin e Kosovës, duke injoruar institucionet kosovare.

?Është për keqardhje që derisa Kosova është duke punuar në mirëbesim me BE-në dhe Quint-in për të gjetur një zgjidhje reciprokisht të pranueshme ndërmjet qeverive tona, strukturat ilegale të Serbisë po mundohen të përgatisin dhe të organizojnë zgjedhjet në territorin tonë sikur të mos ekzistonte Qeveria jonë. Dhe janë duke e bërë këtë me financim nga Beogradi, natyrisht. Kjo mbase është arsyeja pse propozimi (në paragrafin e tij të parë) përcakton se zgjedhjet ?do të mbahen?, në vend që të kërkojë që të mbahen, duke e marrë kështu si të mirëqenë kompetencën e Beogradit për të vendosur në lidhje me territorin e Kosovës?, deklaroi Kurti më 25 mars.

Kujtojmë se zgjedhjet e fundit parlamentare, që Serbia i ka organizuar edhe për komunitetin serb në Kosovë, kanë qenë ato të 21 qershorit 2020./ CNA.al





Lajmet e fundit nga