web counter
LEXO PA REKLAMA!

SHKARKO APP

App Store
Google Play

Partizani nis përgatitjet anti-Vllazni, trajneri me sytë nga korçari Dean Liço

29 Mars 2022, 12:13, Sport CNA

Partizani vijon përgatitjet për ndeshjen e së enjtes ndaj Vllaznisë. Trajneri Dritan Mehmeti, bashkë me ekipin, kanë nisur tashmë të analizojnë lojën e kundërshtarit dhe të tentojnë të mos bëjnë më gabimet e ndeshjeve të shkuara. Përveç videoanalizës, Mehmeti në stërvitje e ka vendosur skuadrën në situata të ndryshme mbrojtëse dhe sulmuese, që parashikohet se do të ndodhin edhe në sfidën ndaj shkodranëve në ?Elbasan Arena?.

Ai është përqendruar në manovrat mbrojtëse, ku për çudi kanë çaluar në dy ndeshjet e fundit, kur kanë pësuar 3 gola. Ndërkohë, edhe dje, ashtu si në ditët e shkuara, trajneri kërkoi automatizim të të gjitha lëvizjeve të skuadrës dhe lojë sa më të rrjedhshme. Këtë aspekt ai është munduar ta injektojë te skuadra përmes lojërave të ndryshme, që gjithashtu krijojnë edhe një atmosferë të mirë dhe konkurruese në skuadër.

Mungesë për ndeshjen e së enjtes është Arinaldo Rrapaj, i cili ka pësuar një tërheqje, por duke parë formën fantastike që po kalon në javët e fundit Dean Liçi, ku me futjen e tij, ka ndryshuar totalisht rrjedhën e lojës së Partizanit në disa ndeshje, trajneri Mehmeti është i qetë dhe pritet t’i besojë korçarit një fanellë titullari në repartin ofensiv.





Lajmet e fundit nga