web counter
LEXO PA REKLAMA!

SHKARKO APP

App Store
Google Play

Sy të skuqur, lotim dhe rënie lëkure/ Dyshime helmimi për Abramovich dhe negociatorët ukrainas

28 Mars 2022, 15:57, Kosova & Bota CNA

Negociatorët ukrainas dhe pronari i klubit anglez të futbollit Chelsea, Roman Abramovich, i shumë referuar së fundmi si oligarku rus, janë duke vuajtur disa simptoma të cilat dyshohet të jenë pasojë e një helmimi.

Wall Street Journal ka raportuar se simptomat janë bërë më të theksuara pas takimit në Kiev, që është zhvilluar në fillim të këtij muaji.

Ata përjetuan sy të skuqur, lotim të vazhdueshëm dhe të dhimbshëm si dhe rënie të lëkurës në fytyrë dhe duart, megjithatë janë përmirësuar që atëherë dhe jeta e tyre nuk është në rrezik, raportoi BBC.

Një person i afërt me Abramovich tha se nuk ishte e qartë se kush kishte shënjestruar grupin dhe ekspertët perëndimorë që hetuan incidentin thanë se ishte e vështirë të përcaktohej nëse simptomat ishin shkaktuar nga një agjent kimik ose biologjik ose nga një lloj sulmi me rrezatim elektromagnetik.

Abramovich së fundmi ka udhëtuar shumë mes Moskës dhe Kievit, duke bërë kështu edhe rolin e negociatorit me synimin për të arritur në një marrëveshje të mundshme që do t?i jepte fund luftës.

55-vjeçari, ishte një prej njerëzve më të goditur nga sanksionet e vendeve perëndimore për shkak të lidhjeve të tij me presidentin rus Vladimir Putin./ CNA.al





Lajmet e fundit nga