web counter
LEXO PA REKLAMA!

SHKARKO APP

App Store
Google Play

Ukraina publikon kostot e luftës/ Ministrja e Ekonomisë: E keqja do të dënohet patjetër

28 Mars 2022, 14:35, Kosova & Bota CNA

Autoritetet ukrainase kanë njoftuar ditën e sotme kostot e një muaji lufte pas sulmeve ruse.

Zëvendëskryeministrja e parë, Ministristrja e Ekonomisë e Ukrainës, Julia Svyrydenko me anë të një postimi në rrjetin social Facebook, ka sqaruar se deri tani lufta i ka kushtuar shtetit të saj 564.9 miliardë dollarë.

?564,9 miliardë dollarë. Kjo është pikërisht shuma e humbjeve të njëhershme që Ukraina pësoi nga pushtimi rus.

Ekzistojnë të paktën dy mënyra për t’i llogaritur ato. E para është vlerësimi i humbjeve nga kolapsi i menjëhershëm, e dyta është llogaritja e humbjeve nga ndikimi i përgjithshëm i luftimeve, pra të gjitha pasojat, duke përfshirë përkeqësimin e situatës ekonomike në vend, rritjen e papunësisë, bllokimin e tregtisë, etj.

Aktualisht struktura e humbjeve është si më poshtë:

– 119 miliardë dollarë amerikanë – humbje në infrastrukturë (shkatërruan dhe dëmtuan pothuajse 8 mijë km rrugë, dhjetëra stacione hekurudhore, aeroporte);

– 112 miliardë dollarë amerikanë – humbje të GDP-së në 2022;

– 90,5 miliardë dollarë amerikanë – humbja e popullsisë civile (10 milionë m2 banesa, 200 mijë makina,etj);

– 80 miliardë dollarë amerikanë – humbje e ndërmarrjeve dhe organizatave;

– 54 miliardë dollarë amerikanë – humbje e investimeve direkte në ekonominë e Ukrainës;

– 48 miliardë dollarë amerikanë – humbja e buxhetit të shtetit.

Duhet theksuar se çdo ditë shifrat ndryshojnë dhe fatkeqësisht po shtohen. E keqja do të dënohet patjetër dhe Rusia do të ndjejë gjithë ashpërsinë e veprimeve të veta kriminale në Ukrainë?, shkroi ajo./ CNA.al





Lajmet e fundit nga