web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu ka harruar të fitojë, shifrat rikthejnë makthin e 2009-ës

28 Mars 2022, 05:42, Sport CNA

Skënderbeu është duke kaluar një nga momentet më të vështira të tij që prej ardhjes së donatorëve të rinj në ekip, në vitin e largët 2009. Kjo, për vetë faktin se korçarët asnjëherë në 12 vitet e fundit nuk kanë pasur një ecuri të tillë negative sa ajo e shënuar këtë sezon. Prej 12 javësh në këtë edicion korçarët nuk fitojnë një ndeshje duke mundur të marrin vetëm pesë pikë në më shumë se një fazë të plotë kampionati. Në këto 12 javë, Skënderbeu ka arritur të grumbullojë vetëm pesë pikë të marra mes pesë barazimesh dhe shtatë humbjesh, duke kompromentuar pozitën e vet në klasifikim. Rezultate këto që çuan në dorëheqjen e Memellit dhe ardhjen në stol të Gegës.

Por nëse u referohemi statistikave, i vetmi vit që bardhekuqtë kanë bërë më keq se kaq ka qenë sezoni i largët 2009-2010, vit ky kur Skënderbeu ka qenë sërish në rrezik për të zbritur një kategori më poshtë. Kjo situatë duket se risjell në mendjen e të gjithëve atë sezon ku Skënderbeu shpëtoi vetëm pas ardhjes së donatorëve të rinj me në krye Agim Zeqon. Pikërisht në sezonin që flasim korçarët kishin mundur të grumbullonin në pikën më të keqe të kampionatit vetëm gjashtë pikë në 16 takime. Pikë këto të marra mes dhjetë humbjesh dhe gjashtë baraz imesh.

Por edhe nëse iu referohemi statistikave, situata nuk duket fort e ndryshme. Në atë sezon Skënderbeu në 16 ndeshje shënonte dhjetë gola ndërsa pësonte plot 25 të tillë. Situata duket e ngjashme, teksa në këtë sezon korçarët kanë shënuar me pikatore, ndaj edhe në javët e fundit, në 12 takime kanë shënuar vetëm gjashtë gola. Pra, mesatarisht një gol në dy ndeshje. Por mbrojtja nuk është se ka bërë më pak keq se sulmi. Në 12 javë korçarët kanë pësuar 14 gola, çka tregon se ky sezon ka për të qenë i vështirë për Skënderbeun. Momentalisht bardhekuqtë ndodhen në vendin e fundit në klasifikim me 18 pikë. Teksa zona e shpëtimit për ta është disi më larg, me plot tetë pikë distancë nga vendi i tetë në renditje që mbahet nga Egnatia.





Lajmet e fundit nga