web counter
LEXO PA REKLAMA!

SHKARKO APP

App Store
Google Play

“Unë refuzoj të konsumoj!”/ Revoltohet Artan Fuga: Të psh*rrsha në çmime!

26 Mars 2022, 21:20, Aktualitet CNA

Akademiku Artan Fuga ka reaguar me anë të një postimi në rrjetet socile, në lidhje me rritjen e çmimeve në vendin tonë.

Një rritje të tillë ai e quan artificiale, madje bërn me dije se në një angazhim personal do të bojkotojë të gjitha agjensitë tregtare që rrisin çmimet në mënyrë abuzive.

Ai shtoi se këto agjensi duhet të ulin fitimin dhe jo të rrisin çmimin që marzhi i fitimit të tyre të ngelet i paprekur.

?Unë refuzoj të konsumoj!

Zgjidhja e krizës të rëndë të rritjes të çmimeve është sjellja si konsumator i ndërgjegjshëm!

Unë qysh dje, përballë imoralitetit idiot të rritjes të çmimeve në atë formë që na dëmton si shoqëri, madje dëmton edhe ata që rrisin çmimet, kam marr vendimin që :

Do të bojkotoj të gjitha ato agjenci tregtare dhe produkte e shërbime që ngrenë çmimet artificialisht. Asnjë produkt nuk do të blej nëse është me çmim të rritur. Do të ul konsumin e të gjitha produkteve të tilla, me përjashtim të atyre jetike.

Duhet pshurrur në çmime!

Vetëm duke u lënë mallin si kopili në derë do t’i bëjmë të ulin çmimet. Të gjitha të tjerat janë broçkulla!

Të ulin fitimin, jo të ngrejnë çmimin për të ruajtur të paprekur normën e fitimit!

Ndiqmëni!?, shkroi Fuga./ CNA.al





Lajmet e fundit nga