web counter
LEXO PA REKLAMA!

SHKARKO APP

App Store
Google Play

Parandalohet krimi në Lushnje/ Kapet "mat" 63 vjeçari me kapuç në kokë

22 Mars 2022, 13:23, Kronika CNA

Shërbimet e Komisariatit të Policisë Lushnjë kanë arrestuar në flagrancë shtetasin E. E., 63 vjeç, pasi ky i fundit është parë i maskuar me kapuç në kokë para ndërtesës së shtetases A.B, 50 vjeç.

Qytetarët kan njoftuar policinë, e cila ka parandaluar krimin në Lushnje duke i vënë prangat 63 vjeçarit, të cilit gjatë kontrollit i është sekuestruar një thikë.

Nga hetimet paraprake, dyshohet se shtetasja A. A., i kishte marrë hua një sasi parash shtetasit E. E.

“Shërbimet e Komisariatit të Policisë Lushnjë, pas njoftimit të marrë nga qytetarët se në një pallat në lagjen “Çlirimi”, ndodhej një person i maskuar me kapuç, menjëherë shkuan në vendngjarje dhe përpara derës së shtetases A. B., 50 vjeçe, konstatuan shtetasin E. E., të maskuar, me kapuç në kokë. Gjatë kontrollit personal, këtij shtetasi iu gjet e sekuestrua në cilësinë e provës materiale një armë e ftohtë(thikë) dhe një palë dylbi.

Në vijim të veprimeve, specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin E. E., 63 vjeç, banues në Krujë, për veprat penale “Sigurimi i kushteve dhe mjeteve materiale për të kryer vrasje” dhe “Mbajtja pa leje e armëve të ftohta”.

Nga hetimet paraprake, dyshohet se shtetasja A. A., i kishte marrë hua një sasi parash shtetasit E. E.

Drejtoria Vendore e Policisë Fier falënderon qytetarët që besojnë te Policia dhe i fton ata të denoncojnë në numrin 112 çdo shkelje të ligjit duke i garantuar anonimatin dhe një reagim në kohë të Policisë“, njofton policia./ CNA.al





Lajmet e fundit nga