web counter
LEXO PA REKLAMA!

SHKARKO APP

App Store
Google Play

Starova: Futbolli ka njohur shumë zhvillim, ja pikat kryesore të projektit tim

15 Mars 2022, 09:45, Sport CNA

Sulejman Starova është një nga tre kandidatët për kreun e FSHF-së, i cili në fillim të punimeve të Asamblesë së FSHF-së, mbajti edhe fjalën e rastit, ku shprehu edhe disa nga prioritetet e projektit të tij.

?E vendosa të hedh kandidaturën time për kreun e FSHF-së për të dhënë edhe unë kontributin tim në zhvillimin e futbollit në vend. Megjithatë duhet thënë se gjatë këtyre viteve është evident zhvillimi i infrastrukturës dhe nivelit të futbollit shqiptar, teksa gjithçka shihet qartë.

FSHF-ja duhet të bashkëpunojë me shtetin, për të përcaktuar prioritetet e zhvillimit të futbollit dhe mbi të gjitha për futjen e tij në kurrikulat shkollore, çka përfshin që te didaktika, deri te pajisjet me mjetet për ushtrimin e këtij sporti.

Unë propozoj që të bëhet një ndryshim për peshën e votës së klubeve të Superiores, si anëtarët me kontributin më të madh në zhvillimin e futbollit.
Krijimin e Ligës Amatore me presidentin e saj, që të jetë automatikisht zv. president i FSHF-së, dhe zv. presidentja femër, që të jetë anëtare e Komitetit Ekzekutiv.

Në aspektin e vazhdimit të investimeve në futboll, bashkëpunimi me shtetin duhet të jetë i vazhdueshëm, në mënyrë që të sigurohen paratë e nevojshme për çuarjen përpara të projekteve?, u shpreh ndër të tjera Starova.





Lajmet e fundit nga