web counter
LEXO PA REKLAMA!

SHKARKO APP

App Store
Google Play

Xhaferi tregon pse Vllaznia shkarkoi Tomas Brdaric

15 Mars 2022, 06:38, Sport CNA

Shkarkimi i Thomas Brdariç nga drejtimi i Vllaznisë ka ndarë tifozerinë shkodrane. Një pjesë kritikonte trajnerin për rënien e këtij edicioni, ndërsa pjesa tjetër, akuzonte klubin se kishte larguar një nga arkitektët e sezonit të kaluar ku ekipi ishte ndër më të spikaturit në elitën e futbollit tonë.

Presidenti i kuqebluve, Alban Xhaferi, ka shpjeguar nëpërmjet një postimi në rrjetet sociale se pse u mor ky vendim, teksa ka bërë të qartë se mirëkuptonte edhe reagimet e tifozëve shkodranë.

?Të dashur miq, sportdashës, dashamirës të Klubit Futbollit Vllaznia. Duke vlerësuar situatën aktuale jo të mirë të rezultateve që po kalon ekipi jonë i zemrës, kemi marrë vendim për ndërprerjen e marrëdhënieve me trajnerin e shquar Thomas Brdariç. Me anë të këtij statusi dua të falënderoj personalisht dhe në emër të klubit Z. Brdariç për gjithçka që kontribuoi për ekipin tonë të zemrës për më shumë se 1 sezon e gjysmë dhe t?i uroj shumë suksese në karrierën e tij në vijimësi.

Vitin e kaluar jemi të gjithë dëshmitarë të një viti të jashtëzakonshëm të rikthimit të Vllaznisë në rrugën e suksesit, ku kulmoi me fitimin e Kupës së Shqipërisë dhe padiskutim pjesë shumë e rëndësishme e rikthimit të këtyre emocioneve ishte trajneri Brdariç. I mirëkuptoj reagimet sensitive të gjithsecilit dhe sigurisht debatet pozitive apo negative për këtë vendim, por dua t?ju siguroj se çdo ndryshim që bëhet, është vetëm për një qëllim, për te përmirësuar situatën dhe arritur objektivat tona sa më të larta. Gjithashtu dua t?i uroj suksese në drejtimin e ekipit tonë dyshes shkodrane Elvis Plori ? Auron Miloti

Me ndihmën e Zotit do t?ia dalim?, shkruante Xhaferi në postimin e tij.





Lajmet e fundit nga