web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Berisha ashpërson tonet në Kuvend

10 Mars 2022, 15:59, Politikë CNA

Ish kryeministri Sali Berisha, në fjalën e tij nga Kuvendi, e ka cilësuar aferën e inceneratorëve, si një nga aferat më të korruptuara në Shqipëri.

Berisha ka sjellë në vëmendje faktin se procedura e ndjekur, ka qenë tërësisht e paligjshme, referuar faktit që është një procedurë e mbyllur në vetëm 24 orë. Sipas tij, qeveria ka qenë në shkelje të rregullave dhe ka kryer korrupsion të sigurt për impiantin e Elbasanit.

?Kemi dëgjuar dëshmi, pohime të genjeshtërta, strukje të hajdutëv. Por mbi të gjitha në këtë komision, mendoj se pohimi i njeriut me përgjegjësi absolute në këtë aferë dhe ndarjen e parave, aferë që është e një gënjeshtër e Ramës se ka shkelur ligjin apo nuk ka respektuar procedurën, është celsi për të kuptuar gjithçka. Për të zbërthyer plotësisht aferën. Rikujtoj se afera filloi në 2014 me një kompani që kurrë nuk ishte marrë me plehrat apo djegien e tyre. Kësaj kompanie, në një procedurë të rrufëshme e të pashembullt, duke firmosur 17 dokumente në 24 orë, me negociim pa shpallje, pa tender, pa tender e pa asgjë, pra me korrupsion të sigurtë, i jepen 22 milion euro për djegësen në Elbasan. Dhe kompania, që mund ta quaj Ahmeti- Gjiknur- Rama-Agaçi- Metani etj, kjo kompani prokuron në Lugano një djegës dhe e instalon me çelësa në dorë për 12 milion euro. 10 milionë euro ngelën në llogaritë e qeveritarëve që vepruan në mënyrë të rrufeshme. Pse thuhet qeveritarëve? Kjo s?mund të bëhej kurrë pa firmën, vulën dhe angazhimin total të qeverisë.?, është shprehur Berisha./CNA.al





Lajmet e fundit nga