E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Abuzimi me çmimin e naftës/ Tatimet, heshtin përfshihen në skandal

9 Mars 2022, 14:01, Ekonomi CNA

Çmimi i naftës në vendin tonë po shënon rekorde stratosferike. Çmimi ka shkuar deri në 2600 leke të vjetra litri, ndërkohë që këtë rritje Qeveria, kryeministri Edi Rama, ia atribuon luftës në Ukrainë.

Luftë në Ukrainë ka edhe për vendet e rajonit, por ato kanë një çmim nafte më të lirë në treg, të paktën me 100 lekë më pak se sa Shqipëria që është vend prodhues i naftës.

Edhe kompanitë e hidrokarbureve e justifikojnë rritjen e çmimit me luftën në Ukrainë dhe me taksat që sipas tyre ata paguajnë.

Por, nëqoftë se shohim deklarimet në bilance publike të vitit 2019, të dy prej kompanive vërejmë se kompania ?Kastrati? qarkullon 12 mld lekë dhe paguan tatim fitimi 400 ml lekë.

Ndërsa kompania ?Gega? sha qarkullon 6 mld lekë por paguan tatim fititimi 45 ml lekë.

Pra kompania e dytë qarkullon gjysmën e parave që qarkullon kompania ?Kastrati? dhe paguan 1/9 të tatim fitimit.

Si është e mundur që për 1/2 e qarkullimit paguhet 1/9 e tatim fitimit?

Këmbanat bien mbi Drejtorinë e Tatimeve se a kanë kontrolluar këtë kompani?

Dhe si ka mundësi që sistemi i ri tatimor nuk i ka nxjerrë këto probleme kur janë pjesë e sistemit te riskut që të alerton automatikisht?

Sepse në vendin tonë po vazhdon abuzimi me çmimin e naftës përpos problematikës së taksave të larta.

Abuzimi me çmimet e naftës në treg duhet të çojë tatimet të kontrollojnë bursën dhe taksat e jo të justifikohen me luftën në Ukrainë.

Shqiptarët paguajnë 7 taksa në çdo litër karburant që blejnë.

Në çdo litër naftë që shitet në treg, qeveria shqiptare mbledh 37 lekë akcizë, 27 lekë taksë qarkullimi, 3 lekë taksë karboni dhe 7 deri në 10 lekë taksë rilicensimi.

Këtyre katër taksave që shkojnë në buxhet u shtohen dy taksa të tjera që paguhen për koncesionarët privatë.

Ato janë taksa e markimit 1 lekë për litër dhe skanimi1.4 lekë për litër.

Në fund, pas këtyre 6 taksave paguhet edhe tatimi mbivlerën e shtuar (TVSH), i cili është 20 për qind e çmimit final, ose rreth 30 lekë për litër.

Kjo e çon barrën totale të taksave në një litër naftë 109.4 lekë për litër.

Ndërs në vendet e rajonit edhe sa u përket taksave përdoret një tjetër skemë.

Për shembull, në Maqedoninë e Veriut qytetarët paguajnë vetëm akcizë dhe TVSH mbi naftën, që në total arrijnë vetëm 48 lekë për litër ose 2.3 herë më pak se taksat që paguajnë shqiptarët.

Taksa e qarkullimit në Maqedoninë e Veriut nuk mblidhet tek karburanti, por tek automjetet.

Ndërkohë që taksa të tilla si ajo e skanimit apo markimit nuk ekzistojnë në asnjë vend tjetër të Europës/CNA.al