web counter
LEXO PA REKLAMA!

SHKARKO APP

App Store
Google Play

Lufta në Ukrainë/ Profesori i ekonomisë ngre alarmin: Shqipëria e rrezikuar, pasoja të rënda tek çmimet

1 Mars 2022, 19:32, Ekonomi CNA

Profesori i ekonomisë Adrian Civici, ka komentuar krizën në Ukrainë dhe pasojat në ekonominë e vendit tonë.

Civici theksoi se Shqipëria është e rrezikuar nga ana ekonomike nga lufta në Ukrainë, duke shtuar se situata mund të ketë pasoja të rënda tek çmimet.

?Shqipëria rrezikohet nga kriza, nëse situata ushtarake në Ukrainë avancon siç ka ndodhur deri tani. Sigurisht që ndikimi nuk është direkt për çdo element, por ka ndikim të drejtpërdrejtë te nafta dhe tek gruri e mielli, sepse jemi importues të grurit e miellit me sasi të mëdha. Do ketë pasoja zinxhir te çmimet. Sistemi ynë bankar nuk preket nga sanksionet dhe masat që janë marrë deri tani. Në Shqipëri nuk ka vend për fjalën ?panik? për bankat.

Mund të rriten çmimet. Duke qenë se Shqipëria ka nivel varfërie të madhe, kjo krizë mund të shtojë varfërinë në vendin tonë. Qeveria të marrë shumë seriozisht situatën për atë se çfarë pritet të ndodhë. Për disa biznese mund të merren disa masa lehtësuese fiskale që të kalojnë këtë periudhë të vështirë, sepse edhe vetë bizneset kanë nisur që të ndjejnë rritjen e çmimeve të lëndëve të para?, u shpreh Civici./E.T-CNA.al





Lajmet e fundit nga