E fundit!

11:07 Aktualitet

Krimi zgjedhor dhe imuniteti i Ballukut/ Kreu i SPAK vendos pikat mb “i”: Pa prova nuk ngrihen akuza

Kreu i Prokurorisë së Posaçme, Klodjan Braho ka folur për ...

Çfarë ndodh me ekonominë shqiptare nëse Rusia sulmon Ukrainën?

20 Shkurt 2022, 09:45, Ekonomi CNA

Ekonomia shqiptare rrezikohet nga rritja e çmimeve nëse Rusia sulmon Ukrainën. Vetëm disa ditë më parë rritja e çmimit të naftës me 192 lekë për litër ka përkeqësuar situatën duke sjellë pasiguri sepse Shqipëria tashmë ndodhet nën valën e lartë të inflacionit.

Tregjet e naftës dhe gazit natyror do të dridhen nëse energjia dhe dërgesat ruse të naftës ose gazit në Europë ngadalësohen ose pushojnë, çmimet e energjisë mund të rriten në qiell sepse Rusia është prodhuesi kryesor i secilit prej tyre dhe burimi numër 1 i gazit natyror në Europë.

Por do të jetë një problem shumë më i keq për Europën rrjedhimisht edhe për ne. Rreth një e treta e gazit natyror të Europës vjen nga Rusia dhe rezervat europiane janë tashmë të ulëta. Një mbyllje e gazit rus në Europë do t’i çonte çmimet në rritje dhe ndoshta do të kërkonte racionim.

Sipas indeksit global të çmimeve të naftës, Shqipëria lë pas jo vetëm vendet e rajonit, por edhe shumë nga vendet më të zhvilluara përsa i përket çmimit të naftës. Ditët e fundit, shumë pika tregtimi të naftës e kanë kaluar dhe këtë nivel duke arritur deri në 198 lekë për litër.

Shqipëria do të vuante pasojat e rritjes së inflacionit sepse rritja e tij shkaktohet nga shtrenjtimi i çmimeve të ushqimit dhe transportit i cili lidhet drejtpërdrejt me naftën. Kjo sjell uljen e fuqisë blerëse të parasë dhe nëse rritja e inflacionit nuk kompensohet me mbështetje financiare nga qeveria apo me rritje të pagave, sjell edhe ulje të konsumit.

Shqipëria ka një varësi të fortë nga mallrat e importit në BE dhe për këtë majfton të shohim të dhënat e INSTAT. Në Dhjetor 20221, në Shqipëri eksportet drejt vendeve të BE-së zënë 74,7 % të eksporteve gjithsej dhe importet nga vendet e BE-së zënë 52,3 % të importeve gjithsej. Partnerët kryesorë tregtarë janë: Italia (28,2 %), Turqi (8,3 %), Greqia (8,3 %), dhe Gjermania (6,0 %).

Kjo do detyrojë kompanitë shqiptare të blejnë produkte dhe shërbime më shtrenjtë në vendet e BE, për pasojë kostoja e tyre rritet. Problematika më e madhe që inflacioni sjell në Shqipëri është rritja e çmimeve të produkteve ushqimore të shportës, gjë e cila ndikon drejtpërdrejtë në buxhetin e familjeve shqiptare, duke qenë se për pjesën më të madhe të tyre mbi 40% e shpenzimeve mujore shkojnë për ushqime./CNA.al