web counter
LEXO PA REKLAMA!

SHKARKO APP

E fundit!

x

“Zgjidhja e vetme është vota”/ Strazimiri: Kërkesa për dorëheqjen e Bashës, reagim i vonuar

8 Mars 2022, 16:09, Politikë CNA

Armatës së demokratëve të cilët e kanë konsidetruar disfatën e Partisë Demokratike në zgjedhjet e pjesshme lokale, si një arsye më shumë për dorëheqjen e kreut të shkarkuar të PD Lulzim Basha, i është bashkuar edhe ish deputeti Gent Strazimiri. Ai u shpreh se një hap i tillë duhet të ishte marrë shumë kohë më parë dhe se reagimi i demokratëve është i vonuar.

?Shkodra i dha një sinjal të gjithë Shqipërisë. Unë mendoj se Basha është i vetmuar. Basha po tregon çdo minutë e më shumë se është i padenjë. Është një thirrje e vonuar nga ata që kanë kërkuar dorëheqjen e Bashës. Është një reflektim i vonuar. Mendoj se e vetmja zgjidhje është vota?, tha ai.

Strazimiri e ka konsideruar 6 marsin si një test që konfirmoi se shumica absolute e gjithë shqiptarëve kërkojnë opozitë pa marrëveshje me qeverinë.

?6 marsi ishte një test. Ishte testi i tretë në radhë, veçanërisht për PD. 6 marsi tregoi se PD, Komisioni i Rithemelimit, Kuvendi i datës 11 dhjetor, referendumi i datës 18 dhjetor rikonfirmuan dhe njëherë se shumica absolute e gjithë shqiptarëve që kërkojnë opozitë pa marrëveshje me qeverinë?, shtoi ai./E.K-CNA.al





Lajmet e fundit nga