web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër deputet kërkon dorëheqjen e Bashës/ Nuk e duan votuesit, as baza e PD

8 Mars 2022, 13:55, Politikë CNA

Deputeti i PD, Ferdinand Xhaferraj ka kërkuar dorëheqjen e Lulzim Bashës, pas humbjes së turpshme të zgjedhjeve të 6 Marsit.

Në një postim në rrjetet sociale, Xhaferraj bën të ditur se në mbledhjen e mbrëmshme të grupit parlamentar i ka kërkuar Bashës dorëheqjen, pasi sipas tij qartazi nuk është i pëlqyer as nga baza e partisë, as nga votuesit e djathtë, as nga elektorati gri.

?Mbrëmë, gjatë mbledhjes së Grupit Parlamentar, kam kërkuar dorëheqjen e Lulzim Bashes nga posti i Kryetarit të Partisë Demokratike. Alternativa që PD paraqet nën lidershipin e tij qartazi nuk është e pëlqyer as nga baza e partisë, as nga votuesit e djathtë, as nga elektorati gri.

Unë refuzoj të pranoj se Lulzim Basha nuk ka humbur asnjë garë. Po njësoj refuzoj të pranoj se PD është e ndarë ndërmjet Bashës dhe Berishës dhe s?ka opsion përtej tyre. Themelet e një opozite të vërtetë, sic e meritojnë demokratë dhe më gjerë, hidhen duke dalë së pari nga kurthi i kultit të individit.

Grupi Parlamentar i PD-së e ka kapacitetin dhe mbi të gjitha përgjegjësinë të prodhojë një lidership të ri që të nisë procesin e vështirë por shpresëdhënës të ringritjes së partisë.?-shkruan Xhaferraj./CNA.al





Lajmet e fundit nga