Mbyllet numërimi në 6 bashkitë/ Basha humbje historike, si u ndanë votat për secilin kandidat

7 Mars 2022, 16:19, Aktualitet CNA

Është mbyllur procesi i numërimit të votave në 6 bashkitë e vendit për zgjedhjet e 6 marsit. Partia Socialiste arriti të merrte 5 bashki, Vorën, Dibrën, Rrogozhinën, Lushnjen dhe Durrësin.

Ndërsa Shkodra një bastion historikisht i djathtë është rreshtuar krah Sali Berishës me kandidatin e ‘Shtëpisë së Lirisë’, Bardh Spahia, i cili ka lënë pas kandidaten e PS-së, Majlinda Angoni dhe atë të Lulzim Bashës Xhemal Bushati.

Konkretisht në Vorë është konfirmuar fitues Blerim Shera nga radhët e socialistëve me 8431, duke lënë pas kandidatin e Shtëpsë së Lirisë Lulzim Vrana me 2956 vota dhe më pas ai i Lulzim Bashës me vetëm 764 vota.

Në Lushnje është konfirmuar fituese Eriselda Sefa nga radhët e PS me 21,477 vota, duke lënë pas kandidatin e Shtëpisë së Lirisë Elton Bano me 11238 vota, dhe më pas ai i Bashës, Indrit Sefa me 3909 vota.

Në Durrës është konfirmuar në krye të bashkisë Emirjona Sako e PS, me 39157 vota. Kandidati i ?Shtëpisë së Lirisë? Ardian Muka ka marrë 20831 vota dhe më pas kandidati Bashës Luan Hoti me 7937 vota.

Në Rrogozhinë është shpallur fitues kandidati socialistëve Edison Memolla me 5438 vota. Kandidati Bashës, Ferdinand Saraçi është rënditur i dyti me 1966 vota dhe i treti Hekuran Xhani nga ?Shtëpia e Lirisë? me 1550 vota.

Në Dibër ka fituar kandidati socialist Rahim Spahia me 13995 vota, duke lënë pas kandidatin e ?Shtëpisë së Lirisë? Premtim Kryemadhi me 4478 vota, dhe më pas kandidati Bashës Luan Haka me vetëm 4437 vota.

Në Shkodër Bardh Spahia i ?Shtëpisë së Lirisë? ka marrë 20125 vota, kandidatja e PS Majlinda Angoni 18176 vota, ndërsa kandidati i Lulzim Bashës Xhemal Bushati mori 7739.

Ajo çka e bën më të zymtë panoramën e këytre zgjedhjeve është rënia drastike që ka pësuar Lulzim Basha krahasuar me zgjedhjet e 2021, ku rezulton në ulje në të gjitha Bashkitë./E.T-CNA.al