“Rama kërkon të plaçkisë Durrësin”/ Berisha mesazh shqiptarëve

3 Mars 2022, 18:14, Politikë CNA

Lideri historik i PD, Sali Berisha pas fushatës në Lushnje, ka zhvilluar dhe fushatën përmbyllëse në Durrës, ku bëri thirrje qytetarëve të votojnë Ardian Mukën, kandidatin e ?Shtëpisë së Lirisë?.

Gjatë fjalimit të tij, Berisha deklaroi se vota e qytetarëve në 6 Mars është e një rëndësie shumë të jashtëzakonshme, pasi është votë për të mbrojtur pronat për të mbrojtur historinë, për të mbrojtur të ardhmen e Durrësit, por edhe të Shqipërisë.

Gjithashtu Berisha tha se në Durrës po zhvillohet një betejë e padukshme pas Edi Rama do ta plaçkisë Durrësin.

“Ju garantoj se çdo votë për Ardi Mukën do të jetë votë për shërbime ndaj jush, do të jetë votë për të rikthyer bashkinë e Durrësit qytetarëve të saj të nderuar, do të jetë votë për një pushtet të ri i cili do të ketë në epiqendër qytetarin hallet, dertet, nevojat e tij.

Por vota e 6 marsit në Durrës është një votë kombëtare, votë e një rëndësie të jashtëzakonshme. As 200 m larg nga ky shesh zhvillohet e padukshme një betejë midis Durrësit të shekullit të mijëvjeçarëve dhe mafies qeveritare të kryesuar nga Edi Rama i cili kërkon t?ju plaçkisë Durrësin. Jo më pak se 820 mijë km2 baraz me 1 mijë euro për çdo banor qytetar të Durrësit.

Është votë për të mbrojtur pronat, për të mbrojtur historinë, për të mbrojtur të ardhmen e Durrësit, por edhe të Shqipërisë. Vota e Durrësit ka një rëndësi vendimtare për t?i dhënë çdo shqiptari mesazhin e madh të ndryshimit, për të ngjallur shpresë dhe ndryshim në zemrat dhe mendjet e mbarë shqiptarëve. Ndryshimi i Durrësit është ndryshimi i Shqipërisë ndaj dhe me 6 mars mbarë kombi pret nga ju votën e ndryshimit, votën e shpresës, votën për Ardi Mukën, votën për koalicionin Shtëpia e Lirisë.

Me 6 mars me votën tuaj ju keni një rast epik do të thosha për të mbjellë shpresë në çdo zemër shqiptare. Ju keni një rast të jashtëzakonshëm për të hapur dyert e zgjedhjeve të reja të parakohshme në mënyrë që Shqipëria të çlirohet nga narkoshteti, të çlirohet nga shteti i bandave dhe plaçkitjeve, dhe të rivendosë ligjin, të rivendosë të drejtë, të rivendosë shpresën dhe të ardhmen si perspektivë për çdo shqiptar”, tha Berisha/CNA.al