E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Faktet/ Si i dështoi Ramës, Këshillimi Kombëtar

3 Mars 2022, 09:30, Politikë CNA

Kryeministri, prej shumë javësh, ka filluar një process të quajtur Këshillimi Kombëtar. Një proces totalisht i dështuar. Një mënyrë e Ramës për të tërhequr vëmendjen nga hallet dhe problemet e mëdha dhe reagimi i publikut, siç ishin inceneratorët dhe skandalet e njëpasnjëshme të Qeverisë.

Por, që tashmë vëmendjen e mori lufta në Ukrainë, dhe mesa duket Putini thuajse ishte i ?paguar? nga Rama për t?i tërhequr vëmendjen opinionit. Jo vetëm atij shqiptar, por edhe botëror.

Kryeministri shpalli Këshillimin Kombëtar.

Mjafton të shikoni numrin e njerëzve të angazhuar në kaq kohë. Pra, javë pas jave ka vetëm, 423,717 qytetarë që janë përfshirë deri tani në Këshillimin Kombëtar. Që është më pak se numri total i votuesve që kanë votuar për Partinë Socialiste. Nuk po flasim për totalin e votuesve në Shqipëri, që është rreth 1.5 milionë, apo totalin e zgjedhësve që është rreth 3.2 milionë.

Në fakt popullsia aktive në Shqipëri nuk është më shumë sesa rreth 2.5 milionë, por mjafton për të thënë se nuk I janë përgjigjur Kryeministrit, as ata që e kanë votuar. Kjo është shifër reale. Pastaj përfshirja e njerëzve për të marrë pjesë me detyrim, me ?çoni përgjigje se jeni në administratë, ju ka ardhur në shtëpi, do verifikohen?, e të tjera si këto, janë thjeshtë procese përfshirje me forcë, ose me intimidim.

Siç ka qënë dikur edhe chek-up, i famshëm.

Por, gjithësesi fakti i parë është se Rama ka dështuar në këtë proçes. As personat që e kanë votuar në 25 prill, nuk kanë shkuar t?i thonë një fjalë.

Pa hyrë tek pikat, të cilat një e nga një bien poshtë.

Së pari, kanabizimi i vendit. Një pikë e vjetër, shumë e vjetër. E keqpërdorur nga Koço Kokëdhima dikur, që çoi në kanabizimin e vendit.

Më tej, legalizimi i kanabisit mund të duket si një proçedurë që mund të sjellë të ardhura dhe deri diku është mbështetur dhe në Europë po legalizohet.

Por, sa kontrollohet kjo në Shqipëri, këtë nuk na e thotë dot as Edi Rama.

Rama nuk kontrollon dot një parcelë me hashash në një fshat të thellë e jo më të mbillen me mijëra hektarë.

Nënat që lindin shumë fëmijë. Një proces që në fakt, Rama e ka kryer tashmë. Se pse pyet për këtë gjë, kur vetë e vendosi 40 mijë, 80 mijë dhe 120 mijë për fëmijën e tretë.

Mund ta 2-fishojë, 3-fishojë, apo 5-fishojë vlerën.

cna news, cna lajme, lajme cna, lajme flash cna, cna.al, cna lajme politike, Është një process që e ka kryer.

Më tej, pyet për çështje të tilla si Ballkani i Hapur, që janë procese që i ka nisur vetë. Janë fakt. Ndërsa Ballkanit të Hapur, tashmë do të duhej t?i kishte vënë ?zjarrin?, për vetë faktin sesi po reagon Serbia, në lidhje me çështjen e Ukrainës. Dhe sesi ka dalë hapur në aleancën e saj me Rusinë kundër NATO-s.

Këto tre pika dhe fakti që askush nuk po i përgjigjet kryeministrit. Shifrat janë të fryra, të detyruara, etj, tregojnë së Këshillimi Kombëtar është thjeshtë dhe vetëm një dështimi radhës për kryeministrin, i cili kërkon të jetë në vëmendjen e opinionit publik dhe t?iu marrë mendim në gjëra të pavlera, të ezauruara, të keqpërdorura. Por, as këtë vëmendje nuk e ka. Dhe duket qartazi se është në minorancë totale, kur ai po përpiqet të marrë gjithë vëmendjen e publikut.

Është në minoranë dhe po përfiton për shkak të një Opozite të përçarë, të dobët, të gënjeshtërt, të korruptuar dhe të keqpërdorur./CNA.al