web counter
LEXO PA REKLAMA!

SHKARKO APP

App Store
Google Play

E fundit!

x

Meta “ul armët” ndaj Qeverisë/ Dekreton dy Ligjet e radhës

1 Mars 2022, 10:01, Politikë CNA

Presidenti i Republikës Ilir Meta, ditët e fundit po vijon me dekretimin e të gjithë Ligjeve që Qeveria i ka përcjellë në Kuvend, ku ka marrë miratimin.

Duket se Presidenti ka ?ulur armët?, ndaj Qeverisë, pas vendimit të Kushtetueses për mos shkarkimin e tij.

Sot Meta njofton se ka dekretuar me shpallje,  dy ligje.

Meta ka dekretuar Ligjin nr. 12/2022 ?Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës së Greqisë për ngritjen dhe funksionimin e një qendre të përbashkët policore dhe doganore?

Kjo marrëveshje shkon në funksion të ndërmarrjes së masave të përbashkëta kundër kërcënimeve ndërkufitare nga ana e të dy autoriteteve, me qëllim forcimin e luftës kundër krimit ndërkufitar, krimit të organizuar dhe lidhjeve të tij, migracionit të paligjshëm, trafikimit të drogave, ekstremizmit të dhunshëm, radikalizmit, si dhe krimeve të rënda.

Gjithashtu ka dekretuar Ligjin nr. 17/2022 ?Për ratifikimin e marrëveshjes ndërmjet Republikës së Shqipërisë dhe Mbretërisë së Spanjës, si shtesë e Konventës Evropiane për Ekstradimin të vitit 1957?.

Kjo marrëveshje synon plotësimin e kuadrit juridik në fushën e bashkëpunimit të ndërsjelltë në fushën penale dhe lehtësimin e procedurave të ekstradimit të shtetasve, ndërmjet Republikës së Shqipërisë dhe Mbretërisë së Spanjës.

Sipas Metës për t`u vlerësuar është forcimi i lidhjeve mes dy sistemeve të drejtësisë dhe përmirësimi i institutit të ekstradimit lidhur me dorëzimin reciprok të kriminelëve tek autoritetet respektive të të dy vendeve./CNA.al





Lajmet e fundit nga