web counter
LEXO PA REKLAMA!

SHKARKO APP

App Store
Google Play

Champions/ United ia del në fund, barazim edhe në Benfica-Ajax

23 Shkurt 2022, 21:56, Sport CNA

Kanë përfunduar dy sfidat e mbrëmjes së sotme në Champions League. Benfika ka barazuar 2-2 në shtëpi me Ajaxin. Ndërkaq, kryendeshja e mbrëmbjes mes Atletiko Madrid-Manchester United, u mbyll gjithashtu në barazim 1-1. Një rezultat që lë gjithçka të hapur për kthimin,Zhoao Feliks i dha shpejt avantazhin skuadrës spanjolle me golin e tij me një fluturim spektakolar që në minutën e 7 të ndeshjes. Madrilenët dominuan pjesën e parë ndaj Junajtid që dukej në një ditë të keqe dhe thuajse nuk rrezikoi asnjëherë portën e Oblak. Nga ana tjetër, vetëm traversa e shpëtoi nga goli i dytë, pas goditjes me kokë të Vrsajlko në fund të pjesës së parë.

E njëjta tablo u shfaq edhe në të dytën, me Atletikon e vëmendshëm që nuk la hapësira për emra si Ronaldo e Rashford. Por pavëmendja e parë e madrilenëve i dha mundësinë Mançesterit të kundërsulmonte rrezikshëm me 19-vjeçarin Elanga i cili tundi rrjetën pas një sprinti të shpejtë. Atletiko u hodh i tëri në sulm në fund, në kërkim të një goli tjetër, por Grizman u ndal përsëri nga traversa e anglezëve, duke bërë që sfida të mbyllej me barazimin 1-1 që lë gjithçka të hapur për sfidën e kthimit mes dy ekipeve.

Benfica-Ajax 2-2

Është mbyllur në barazim 2-2 akti i parë i duelit mes Benfikës dhe Ajaksit i vlefshëm për fazën e  1/8-ave të Championsit. Një rezultat ky që le gjithçka të hapur për në sfidën e kthimit, teksa holandezët duken më të favorizuar pasi do të luajnë në shtëpi. Tadiç hapi serinë e golave në minutën e 18-të, ndërkohë që autogoli i Hallerit në minutën e 26-të, vendosi baraspeshën.

Sulmuesi nga Bregu i Fildishtit rëmbeu sërish skenën teksa në minutën e 29-të, realizoi golin e dytë për Ajaksin, duke shlyer kështu autogolin e shkaktuar. Pjesa e parë u mbyll me rezultatin 1-2 të miqve, ndërkohë që në minutën e72-të, Jaremçuk, riktheu baraspeshën, ku përfitoi pas një grushtimi jo të saktë nga ana e portierit Pasvir, duke mbajtur gjallë shpresën për kualifikim.





Lajmet e fundit nga