web counter
LEXO PA REKLAMA!

SHKARKO APP

App Store
Google Play

E fundit!

x

Luajti 63 minuta në humbjen e Granada-s, Uzuni “karikon” skuadrën: Mentaliteti ynë është të mos dorëzohemi, fitojmë me Villarealin

14 Shkurt 2022, 11:03, Sport CNA

Granada pësoi ditën e djeshme humbjen e radhës në kampionat nga Real Sociedad në transfertë. Golat e sfidës u shënuan nga Oyazabal me penallti dhe Rafinha në pjesën e dytë, ndërsa në fushë si titullar ishte dhe Myrto Uzuni. Sulmuesi i Kombëtares luajti për 63 minuta duke bërë një ndeshje të mirë, ndërsa më pas u zëvendësua nga trajneri.

Pas ndeshjes, Uzuni dha një intervistë të shkurtër për kanalin zyrtar të skuadrës të Granadas dhe analizoi këtë humbje si dhe u shpreh i bindur që rikthimit te fitoret do të vijnë që nga sfida e radhës ndaj Villareal në shtëpi.

?Deri te penalltia për Real Sociedad luajtëm shumë mirë dhe kishim mundësi të shënonim gol. Nëse do të kishim shënuar, atëherë loja do të kishte shkuar ndryshe. Gjithsesi ky është futbolli. Mentaliteti ynë është që të mos dorëzohemi kurrë dhe të luftojmë deri në fund për këtë fanellë. Ekipi nuk dorëzohet kurrë.

Ky është një klub fantastik, me një trajner të madh dhe ne gjithmonë punojmë së bashku. Duhet të vazhdojmë të luftojmë për të arritur qëllimet tona dhe për të fituar. Duam që të rikthehemi te fitoret që nga ndeshja e radhës ndaj Villarea. Ftoj tifozët të jenë në stadium për të na mbështetur dhe shpresoj që të fitojmë këtë ndeshje?, u shpreh Uzuni.





Lajmet e fundit nga