E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Verona shkatërron Udinesen, Empoli dhe Cagliari ndahen në paqe/ Ja rezultatet e të gjitha ndeshjeve

13 Shkurt 2022, 16:00, Sport CNA

Janë mbyllur edhe tre ndeshje të tjera në javën e 25-të të Serie A. Empoli u ndal në barazim 1-1 kundër Cagliarit, ndërsa për vendasit rolin kyç te goli e luajti Nedim Bajrami. Paqe edhe midis Genoas dhe Salernitanës po me rezultatin 1-1, ndërsa në ndeshjen tjetër, Verona shkatërroi Udinesen me rezultatin 4-0.

Andrea Pinamonti kaloi Empolin në avantazh në minutën e 38 falë një pasimi mjaft të mirë nga Nedim Bajrami. Mesfushori i kombëtares shqiptari nisi një kundërsulm i vetëm nga zona e tij deri në atë kundërshtare, për të nxjerrë më pas Pinamontin në një pozicion të favorshëm. Ky i fundit nuk fali duke e çuar topin në rrjetë.

Megjithatë, gjithçka u baraspeshua në minutën e 84 nga Pavoletti i cili përfitoi nga një rrëmujë në zonë. Kështu, ekipet ndanë nga një pikë, ndërsa Cagliari zbret sërish në zonën e ftohtë.

Verona e pati të lehtë fitoren ndaj Udineses duke e mposhtur në shtëpi me poker. Ekipi i Tudor zhvilloi një ndeshje në limitet e perfektes duke e dominuar lojën që nga minuta e parë e takimit.

Depaoli gjeti i pari rrugën e rrjetës që në minutën e dytë duke i dhënë avantazhin Veronës. Më pas ishte Barak ai që dyfishoi gjithçka po në pjesën e parë duke e çuar ekipin e tij më të qetë në dhomat e zhveshjes.

Verona e nisi pjesën e dytë, njësoj si të parën duke gjetur edhe njëherë rrjetën me anë të Gianluca Caprarit. Pokeri u plotësua nga Tameze në minutat e fundit të takimit dhe kështu Verona ngjitet në kuotën e 36 pikëve.

Sfida për mbijetesë midis Genoas dhe Salernitanës u nda në paqe me rezultatin 1-1. Të dyja ekipet u përpoqën të dilnin nga ky takim me tre pikët, por pa ia arritur dot qëllimit. Ishte Destro që kaloi të tijët në avantazh në minutën e 32, por gjithçka u baraspeshua nga Boazzoli në fundin e pjesës së parë.

Një rezultat që nuk ndihmonë asnjë nga ekipet ndërsa për Genoan ky është barazimi i tretë në radhë.

SERIE A ? Java 25
Empoli-Cagliari 1-1
Shënues: Pinamonti 38? / Pavoletti 84?

Genoa-Salernitana 1-1
Shënues: Destro 32? / Bonazzoli 45+1?

Verona-Udinese 4-0
Shënues: Depaoli 2?, Barak 31?, Caprari 66?, Tameze 84?