E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Ivan Balliu, djali i një kryebashkiaku që po shkëlqen në Liga

11 Shkurt 2022, 07:00, Sport CNA

I lindur në Girona, mbrojtësi është pjesë e skuadrës kombëtare të shtetit të stër-stërgjyshit të tij, Shqipërisë, por edhe një lojtar i padiskutueshëm për trajnerin Iraola te Vajekano, ku dje arriti të dhurojë edhe një asist për golin e parë ndaj Betisit në një gjysmëfinale historike, që do të ndahet në ndeshjen e kthimit pasi e djeshmja përfundoi me shifrat 1-2 për Betisin. Mbrojtësi ishte në fushë për 90 minuta.

RRUGA PËR NË KOMBËTARE Më shumë se 2500 kilometra e ndajnë Tiranën, kryeqytetin e Shqipërisë, nga Madridi. Kjo është distanca që Ivan Balliu, një nga zbulimet e Rajo Vajekanos këtë sezon, duhet të përshkruajë sa herë që të thirret me Kombëtaren e tij. Lojtari është i aftë që të luajë shkëlqyer në korsinë e djathtë dhe është një nga pjesët themelore në skemat e Andoni Iraolës, trajnerit të Rajos, i cili e ka aktivizuar këtë sezon në 21 ndeshje në La Liga dhe tri në Kupën e Mbretit. Pikërisht në këtë turne Vajekano ka arritur një moment historik duke shkuar në gjysmëfinalet e Kupës për herë të dytë në historinë e tyre, por ata kërkojnë gjithmonë më shumë, dhe këtë do ta bëjnë në ndeshjen e kthimit ndaj Betisit.

HISTORIA E VEÇANTË E BALLIUT Ivan ka një histori shumë kurioze. I lindur 30 vjet më parë në ?Caldas de Malavella? në Girona, aty ku Salvadori, babai i tij, po ezauron mandatin e tij të tretë si kryetar për lëvizjen indipententiste, dhe kryeson Këshillin Rajonal të La Selva. Ai u stërvit në La Masia të Barcelonës. Rasti i tij nuk është i vetmi, sepse lista e atyre që kanë veshur fanellën e kombëtares edhe pse nuk kanë lindur në atë shtet është e pafundme. Ai i ka rrënjët familjare në një vend modest në Europën Juglindore, gjë që nuk e dinte. Këtë ai e zbuloi në vitin 2017, kur mori një telefonatë nga federate shqiptare e futbollit gjatë kohës që luante me Metz në Francë.

FANELLA KUQEZI ?Pas një periudhe kalimtare në ekipin U-17 të Spanjës, ai gjeti mundësinë për të bërë debutimin e tij me Kombëtaren kuqezi. Mbiemri i tij është i rrallë në Katalonjë, por mjaft i zakonshëm në trojet e tij, ku janë mbi 4000 Balliu. Pas investigimeve të ndryshme, u zbulua që stër-stërgjyshi i tij kishte kombësinë e kësaj republike të vogël me vetëm 3 milionë banorë, ndoshta sekreti më i mirë në Ballkan. Një gëzim për Shqipërinë dhe një sfidë për Balliun?, thuhet në artikullin e ?DiarioSur?.