E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot, në Shqipëri, 6 shtetasit e kapu...

“Qyteti i trafikut”, këndi i sigurisë rrugore për fëmijë përmes argëtimit dhe edukimit

9 Shkurt 2022, 16:13, Sociale CNA

?Qyteti i trafikut? është këndi i parë edukativ dhe argëtues për fëmijët, dedikuar sigurisë rrugore, ku përmes lojës vogëlushët edukohen mbi rregullat dhe sinjalistikat e qarkullimit rrugor. Këndi përfshin aktivitete të tilla, si: kalimi në vijat e bardha, lëvizja me biçikleta, respektimi i semaforëve dhe tabelave etj.

Rijetësimi i kësaj hapësirë të posaçme nis në Tiranë dhe do të vazhdojë rrugëtimin edhe në qytetet e tjera të vendit, nga veriu në jug.

Kryeministri Edi Rama vizitoi sot këtë hapësirë, e cila ka ngjallur dukshëm interesin e fëmijëve me elementët argëtues të ndërthurur me ato edukativë, si labirinte prej plastike shumëngjyrëshe, zona kundër rrëshqitjes, rrugë biçikletash apo vende parkimi.

Këndi i Sigurisë Rrugore për fëmijë u bashkëfinancua nga programi i Ndihmës Polake në bashkëpunim me Ambasadën Polake në Tiranë dhe me mbështetjen e Projektit të Binjakëzimit. Ky projekt përfshin zhvillimin e një zone nën menaxhimin e Autoritetit Rrugor Shqiptar, pranë Drejtorisë Rajonale Qendrore, në Tiranë.

?Kjo është një zonë e rëndësishme sepse kemi nisur disa projekte këtu, ndërkohë kemi nisur me programin e ndihmës polake dhe me gjithë ndihmën që na ka dhënë ambasadorja për të ecur sa më shpejt, për të bërë këtë projekt edukativ për fëmijët që ka të bëjë me sigurinë rrugore. Siguria rrugore prej vitesh është një nga prioritetet që Autoriteti Rrugor Shqiptar ka. Disa nga projektet që Banka Botërore ka, kanë të bëjnë me sigurinë rrugore, duke nisur nga eliminimi i disa pikave të zeza, apo sinjalistika horizontale dhe vertikale. Ajo çka kemi identifikuar në gjithë këto kohë është që gjëja më e rëndësishme për tu bërë është nisja e edukimit të brezit të ri dhe krijimi i një sensitiviteti i të gjithë fëmijëve për sa i përket sigurisë rrugore, pra si sillemi në trafik, kush janë rregullat që duhen ndjekur dhe padyshim kjo është diçka që ne po kërkojmë në bashkëpunim me Ministrinë e Arsimit, ta vendosim dhe në kurrikula.? ? shpjegoi Ministrja e Infrastrukturës dhe Energjisë Belinda Balluku.

Zona e qytetit të trafikut do të vihet në dispozicion të shkollave, kopshteve dhe institucioneve të tjera joqeveritare që merren me edukimin e trafikut për fëmijët dhe të rinjtë.

Hapësira mund të përdoret edhe gjatë orës së edukimit fizik dhe sigurisë rrugore. Për më tepër, elemente të tilla si klasat, labirintet dhe lojërat do t?u japin fëmijëve mundësinë të praktikojnë shkathtësinë, koordinimin, zhvillimin e gjithanshëm dhe konkurrencën.

?Ky kënd i sigurisë rrugore do të ofrojë dhe një vend për aktivitete të rëndësishme të familjarëve, jo vetëm të shkollave, gjatë fundjavës. Do të jetë e hapur, do të kemi operatorët tanë të Autoritetit Rrugor Shqiptar për të ndihmuar fëmijët të kalojnë të gjitha rrugët e vogla të krijuara këtu, dhe gjatë javës do të frekuentohet nga shkollat.? ? u shpreh Ministrja Balluku.

Teksa vlerësoi punën e bërë në këtë projekt të parë, Kryeministri Rama theksoi nevojën e shtrirjes së projekteve të tilla edhe në qytete të tjera të vendit. ?Ta ketë çdo qytet këtë do jetë shumë bukur, për fëmijët do të ishte shumë bukur dhe ka dhe një efekt super edukativ?- u shpreh Kryeministri./E.K-CNA.al