Çerdhe, kopësht apo me gjyshërit në shtëpi?/ Ç’duhet të kenë parasysh prindërit

7 Shkurt 2022, 09:54, Sociale CNA

Kur duhet t?i çojmë fëmijët në çerdhe? Kjo është një pyetje që prek padyshim të gjithë prindërit. Megjithëse, shumë prej tyre detyrohen t?i dërgojnë shumë herët për shkak të punës, ka nga ata që zgjedhin t?i çojnë më vonë. Por si ndikon kjo? Për këtë çështje, folën në ?Abc-ja e mëngjesit?, Artenisa Ozaj, përgjegjësja e Sektorit të Zhvillimit dhe Kujdesit Psiko-Social, Blerina Spahiu dhe psikologia Aljona Jonuzi.

Ata shpjeguan se fëmija duhet të jetë të paktën 12 muajsh kur duhet të shkojë në çerdhe. Nga ana tjetër, psikologia Jonuzi theksoi se nëse një fëmijë shkon në çerdhe kur është 1 vjeç apo pak më shumë do ta ketë të vështirë përshtatjen, ndërsa ata që janë 2 apo 3 vjeç vuajnë më gjatë.

?Përshtatja nuk fillon me dy orë. Ne sugjerojmë që prindërit t?i sjellin në fillim thjesht për të parë dhe godinën, për të parë stafin. Më pas në ditën e parë, mund të rrinë një çerek ore. Sugjerohet që prindërit t?ju japin një lodër të preferuar me vete. Më pas, gradualisht fillojmë duke shtuar orët, duke provuar ushqimin dhe duke fjetur gjumë. Këtu përfundon procesi i përshtatjes. Zakonisht zgjat dy javë por ndodh dhe më gjatë. Dhe mungesat ndikojnë negativisht.?, tha Blerina.

Psikologia Aljona vuri theksin gjithashtu dhe te mënyra se si reagojnë prindërit kur i dërgojnë fëmijët për herë të parë në çerdhe. ?Fëmijët kuptojnë çdo gjë. Nëse jeni në ankth kur e çoni, fëmija e përjeton dhe ndjen se mami nuk ndihet e sigurt. Kështu që është e rëndësishme, ta ndajmë mendjen njëherë e mirë, të kemi besimin e plotë.?, tha Jonuzi. Shumë prindër preferojnë t?i çojnë fëmijët direkt në kopësht, por sa e drejtë është kjo?

Ata theksuan se fëmija duhet të kalojë dhe në çerdhe pasi është periudha ku fëmijët nisin të socializohen dhe përshtaten me të tjerët. ?Normalisht fëmija është përshtatur, socializuar. E di rutinën që ndodh në një ambient, ka mësuar pjesën e vetë kujdesit. Edukatoret kanë një program të specializuar dhe të mësuarit e vetë kujdesit. Ata mund të heqin dhe veshin rrobat. Përshtatja është shumë e rëndësishme.?, tha Blerina.