web counter
LEXO PA REKLAMA!

SHKARKO APP

App Store
Google Play

E fundit!

x

Tjetër vizitë inspektuese nga UEFA në Tiranë, takime edhe në Bashki

7 Shkurt 2022, 16:58, Sport CNA

Një tjetër vizitë inspektuese nga UEFA në Tiranë në kuadër të finales së Conference League. Lajmin e ka bërë të ditur FSHF, nëpërmjet faqes së saj zyrtare.

Në të thuhej: ?Një delegacion i UEFA-s do të mbërrijë sot në Tiranë për të nisur një vizitë inspektuese treditore në kuadër të organizimit të finales së UEFA Europa Conference League, që do të luhet në Tiranë më 25 maj?.

Ky nuk është delegacioni i parë i nisur nga UEFA në Shqipëri, pasi janë dërguar vazhdimisht përfaqësues të saj që nga nëntori i vitit të kaluar e në vazhdim.

Qëllimi i tyre ishte për të kontrolluar të gjithë infrastrukturën aeroportuale, rrugore, hyrjet e daljet në qytet, hotelerinë, fushat ku do të stërviten ekipet finaliste, zonat ku do të grumbullohen tifozët e skuadrave si edhe përshtatja e stadiumit për finalen.

Kjo është vizita e tretë inspektuese nga UEFA, ku në grupin e punës do të bëjnë pjesë 61 persona. Sipas asaj që tregon FSHF, inspektimi do të nisë fillimisht në aeroportin e Rinas, dhe më pas do të vazhdojnë takime me përfaqësues të Bashkisë Tiranë.

Në mars do të ketë edhe një vizitë inspektuese të fundit e më pas do të nisë puna në terren për përgatitjen e finales.





Lajmet e fundit nga