web counter
LEXO PA REKLAMA!

SHKARKO APP

App Store
Google Play

Thellohet skandali/ Fituesi tjetër i tenderit 400 mijë $ bëri logon e restorantit të djalit të Agollit

3 Shkurt 2022, 08:11, Aktualitet CNA

Thellohet akoma më shumë skandali i shpalljes së tenderit për kuzhinierin e njohur Alfio Rrotani dhe ortakut të tij Endrit Maçi nga Fondi Shqiptar i Zhvillimit.

Tenderi me vlerë 400 mijë dollarë ka bërë fitues jo vetëm Rrotanin i cili punon me djalin e kreut të FSHZH Dritan Agolli, Flladi Agolli por edhe Maçin aksioner në kompaninë e regjistruar në emër të Rrotanit, që ka krijuar logon për restorantin e Agollit.

Endrit Maçi ka të regjistruar në emrin e tij një objekt veprimtarie në fushën e marketingut logo, materiale grafike etj të regjistruar me emrin ?TELL ALL CO?. Në rrjetin social instagram të këtij biznesi është publikuar logoja që kjo kompani ka krijuar për restorantin e Flladi Agollit ?Bedouni Beach Bar? që ndodhet në Hamallaj.

Kompania ?Mascarpone? ku aksioner kryesor është Alfio Rrotani me 27 Janar të këtij viti u shpall fituese e tenderit me objekt shërbim konsulence për ndërhyrje për krijimin e produktit autentik ushqimor lokal duke krijuar menunë e ?100 Fshatrave? nga Fondi Shqiptar i Zhvillimit.

Tenderi tani është në dorën e SPAK-ut. Rrotani në një prononcim për Abcnews.al i cilësoi akuzat si sulm politik duke qenë se ato janë artikuluar edhe nga Partia Demokratike. Shpifje i cilësoi edhe vetë Agolli në një reagim të bërë dje në orët e pasdites ku shpjegon arsyet pse është përzgjedhur fituesi i tenderit duke përjashtuar konfliktin e interesit./CNA.al





Lajmet e fundit nga