Donaldi thyen rregullat/ Big Brother dërgon zarfin e zi në shtëpi

29 Janar 2022, 20:39, Lifestyle CNA

Në shtëpinë e Big Brother ka mbërritur zarfi i zi dhe këtë herë është për Donaldin, i cili ka thyer një nga rregullat bazë të produksionit, duke futur në shtëpi persona të tjerë pa marrë leje.

Mbrëmjen e djeshme, pas përfundimit të spektaklit, produksioni kishte ftuar këngëtarin Mozzik, i cili në kundërshtim me rregullat shprehu hapur mbështetjne e tij për aktorin, si dhe shmangu atë për çfarë kishte hyrë, këndimin.

Mozzik gjatë gjithë mbrëmjes, ka biseduar me Donaldin, ndërsa në një moment ky i fundit e futi brenda shtëpisë pa marrë leje.

Për këtë, Vëllai i Madh ka marrë një vendim për Donaldin, i cili do lexohet të martë në spektakël.

?Big Brother që nga dita e parë e këtoj formati ka sjellë herë pas here në shtëpi artistë të njohur të cilët kanë treguar mbështetjen e tyre personale për secilin nga ju. Për shkak të afrimitetit dhe miqësisë me gjithësecilin duke respektuar rregullat e formatit. Përgjatë më shumë se 100 ditëve tuaja në shtëpi kanë ardhur Adriana Matoshi për Arjolën, Klajdi dhe Bruno për Fifin, Elgit Doda për Donaldin, Sabiani për Ilirin, Fjoralba dhe Argjira për Einxhel, Olta Daku për Monikën, Vllaznia për Meridinin etj. Por pavarësisht këtyre surprizave të dedikuar nga Big Brother për argëtimin tuaj, Vëllai i Madh ka sjellë edhe një sërë artistësh të tjerë të cilët kanë respektuar formatin dhe rregullat duke u dhuruar vetëm argëtim për të gjithë banorëtMbrëmë ka qenë i ftuar për të gjithë banorët Mozik por me mbështetjen personale që ai i dha njërit prej konkurrentëve tre javë para finales u tregua mos respekt ndaj konkurrentëve të tjerë, siç edhe e dini. Tashmë shumë njerëz janë shndërruar në tifozë dhe i shkelin rregullat duke shkelur qëllimin përse janë ftuar nga Vëllai i Madh. Por jo vetëm kaq, Donaldi pasi mori mesazhin që janë në kundërshtim me rregullat edhe pasi produksioni u distancua, ftoi në ambientet e brendshme të Big Brother artistin, pa marrë leje te Vëllai i Madh. Për këtë arsye Big Brother ka vendosur të dënojë Donaldin dhe vendimi do të bëhet i ditur të martën në live show?, thuhej në zarfin e zi të lexuar nga Arjola.

Pas këtij mesazhi, banorët kanë nisur diskutimet, ndërsa e kanë dënuar Donaldin për veprimin që ka bërë./E.K-CNA.al

A post shared by Big Brother Alb VIP Edition (@bigbrotheralb_vip)