web counter
LEXO PA REKLAMA!

SHKARKO APP

App Store
Google Play

E fundit!

x

Seanca dëgjimore me banorët e ‘5 Majit’/ Mungon Erion Veliaj

28 Janar 2022, 14:01, Politikë CNA

Komisioni i Ligjeve, po zhvillon një seancë dëgjimore të kërkuar nga opozita për shembjen e banesave tek 5 Maji.

Në seancë dëgjimore janë thirrur kryebashkiaku Erion Veliaj, Drejtori i Përgjithshëm i Policisë, Gledis Nano, Avokati i Popullit dhe përfaqësues nga banorët.

Ndërkohë, mësohet se kryetari i Bashkisë, Erion Veliaj nuk është paraqitur në Komisionin e Ligjeve, por argumenton me shkresë qëndrimin e Bashkisë.

Nga ana tjetër, përfaqësuesja e PD-së, deputetja Dhurata Çupi, ka kërkuar që të shtyhet seanca dëgjimore derisa të vijë kryebashkiaku Veliaj.

?E shtyjmë deri sa të jetë kryetari i Bashkisë, është çështje mbijetese e banorëve, në mes të dimrit janë nxjerrë jashtë, nuk i është dhënë asnjë mundësi strehimi, janë prishur banesa në tetor dhe akoma nuk kanë marrë bonusin e strehimit, marrëveshjet janë  copa letrash ku askush nuk kupton çfarë merr dhe çfarë jep. Çdo ditë prishen nga 3 banesa. Abuzim me detyrën e kryebashkiakut Erion Veliaj?, tha Çupi.

Por, kërkesa është refuzuar, pasi kryetarja e Komisionit, Klotilda Bushka tha se në argumentimin me shkrim, Veliaj i ka përmbushur detyrimet ligjore.

“I është përgjigjur duke sjellë përgjigje me shkrim. Kemi organizuar dëgjesën se e kemi detyrim, kemi gatishmërinë për çdo informacion tjetër, do të dëgjojmë dhe të tjerë të ftuar dhe kjo do të vijojë sipas kalendarit që e kemi vendosur bashkë, se i ka përmbushur detyrimet e tij që i jep ligji, ka paraqitur informacione shteruese”, tha Bushka./CNA.al





Lajmet e fundit nga