web counter
LEXO PA REKLAMA!

SHKARKO APP

App Store
Google Play

E fundit!

x

Rehabilitimi i hidrocentralit të Fierzës/ Gjermania dhe BE mbështesin Shqipërinë, nënshkruhet marrëveshja e rëndësishme

28 Janar 2022, 17:38, Aktualitet CNA

Rehabilitimi i hidrocentralit të Fierzës është një nga projektet kryesore që po mbështetet nga Bashkimi Europian.

Ambasada gjermane në Tiranë, përmes një postimi në rrjetin social Facebook bën me dije se ditën e sotme u nënshkrua një marrëveshje e rëndësishme mes dy qeverive.

Për të rritur jetgjatësinë e hidrocentraleve për të paktën 30 vjet, Gjermania jep një hua prej 40 milionë Euro dhe një grant prej 2 milionë Euro nëpërmjet Bankës Gjermane për Zhvillim (KfW), ndërsa Bashkimi Evropian mbështet me një grant prej 8.35 milionë Euro në kuadër të Kornizës së Investimeve në Ballkanin Perëndimor (WBIF).

Postimi i plotë:

Gjermania dhe Bashkimi Evropian mbështesin Shqipërinë në rehabilitimin e hidrocentralit të Fierzës. Kjo do të rrisë jetëgjatësinë prodhuese të një prej hidrocentraleve më të rëndësishme të vendit me të paktën 30 vjet. Me përmirësimin e efiçencës së tij do të rritet prodhimi i energjisë elektrike, duke dhënë një kontribut të rëndësishëm në sigurinë energjitike të Shqipërisë.

Ministrja e Financave, Delina Ibrahimaj, Drejtori i Përgjithshëm i KESH-it, Ergys Verdho dhe Drejtoresha e Zyrës së KfË-së në Tiranë, Brit Horschke, nënshkruan sot marrëveshjet përkatëse në një ceremoni në prani të Ministres së Energjisë, Belinda Balluku, ambasadorit të BE-së Luigi Soreca dhe ambasadorit gjerman Peter Zingraf.

Gjermania jep një hua prej 40 milionë Euro dhe një grant prej 2 milionë Euro nëpërmjet Bankës Gjermane për Zhvillim (KfW). Bashkimi Evropian mbështet me një grant prej 8.35 milionë Euro në kuadër të Kornizës së Investimeve në Ballkanin Perëndimor (WBIF).

Rehabilitimi i hidrocentralit të Fierzës është një nga projektet kryesore të ?Economic Investment Plan for the Western Balkans? të Bashkimit Evropian./E.K-CNA.al





Lajmet e fundit nga