web counter
LEXO PA REKLAMA!

SHKARKO APP

App Store
Google Play

Përplasjet me Dukën/ Pas kallëzimit në Prokurori, Veliaj: Do e bëjmë edhe në SPAK

27 Janar 2022, 20:43, Aktualitet CNA

Kryetari i Tiranës Erjon Veliaj, ka folur sërish për përplasjet me kreun e FSHF, Armand Duka.

Veliaj thekson se nuk ka armiqësi personale me Dukën, por kallzimin që kanë bërë në Prokurori do e bëjnë edhe në SPAK.

“Kam bërë padi ndaj Federatës. Në këtë betëjë, Armand Duka është kundërshtari im, jam aksioner në klubin e Tiranës, kam bërë fusha sportive në Tiranë. Edhe fusha e Laprakës është bërë me gjyq. Nuk kam dhënë leje ndërtimi te fusha e Fiskulturës. Fusha atje do bëhet fushë, edhe pse kanë pronar privat, do shpronësohet. Kur një institucion thotë se kam marrë para nga ndonjë fondacion, duhet të bëjë diçka. Unë kam bërë më shumë se Duka, edhe kur kam pasur më pak lekë. Armand Dukës i duhet thënë sa delagatë ke.

Në kallëzim kërkohet transparencë, se kush është delegat, është denoncuar me emër Sekretari i Përgjithshëm i FSHF, sepse kanë ndryshuar emrat e delegatëve, ka të bëjë me korrektësinë e zgjedhjeve. Aty gjetëm njerëz që kanë ardhur nga Shijaku, nga Mati, nuk ka racizëm këtu, por duhet të jenë emrat të saktë. E kemi bërë kallëzimin në Prokurori dhe mund të bëjmë edhe në SPAK, unë besoj se funksionojnë si organizatë kriminale”, tha Veliaj./E.T-CNA.al

 





Lajmet e fundit nga