web counter
LEXO PA REKLAMA!

SHKARKO APP

App Store
Google Play

Përshtati lokalin për baste sportive/ Arrestohen dy persona në Përmet

24 Janar 2022, 08:36, Kronika CNA

Policia në Përmet ka vënë në pranga dy shtetas, pasi ushtronin aktivitet të paligjshëm të lojërave të fatit. Ta arrestuarit janë O.M 40 vjeç dhe E.L 34 vjeç.

Shtetasi O.M ka përshatur lokalin e tij për organizimin e basteve sportive.

?Vijojnë kontrollet për parandalimin dhe goditjen e veprimtarisë së kundërligjshme të lojërave të fatit. Goditet një tjetër rast i kësaj veprimtarie. Vihen në pranga 2 shtetas. Sekuestrohen dy aparate celulare.

Në vijim të punës për evidentimin dhe goditjen e veprimtarisë kriminale të ushtrimit të paligjshëm të lojërave të fatit, specialistët e Seksionit për Hetimin e Krimit në Komisariatin e Policisë Përmet arrestuan në flagrancë shtetasit O. M., 40 vjeç, banues në Përmet (administrator i një subjekti bar-kafe) dhe E. L., 34 vjeç, banues Përmet (klient i subjektit).

Këta shtetas u arrestuan pasi, bazuar në informacionet e siguruara në rrugë policore, u ushtrua kontroll në ambientet e një subjekti bar-kafe në pronësi të shtetasit O. M., në Përmet, ku u konstatua se ushtrohej veprimtaria e lojërave të fatit në kundërshtim me ligjin.

Gjithashtu, nga këqyrja e aparatit celular të shtetasit O. M. janë gjetur të dhëna që tregojnë për organizimin e basteve sportive online. Në cilësinë e provës materiale u sekuestruan dy aparate celulare.

Materialet i kaluan Prokurorisë së Rrethit Gjyqësor Gjirokastër, për veprat penale ?Organizimi i lotarive të palejuara” dhe “Vënia në dispozicion e lokaleve për lojëra të palejuara”, njofton policia./ CNA.al





Lajmet e fundit nga