web counter
LEXO PA REKLAMA!

SHKARKO APP

App Store
Google Play

E fundit!

x

Vetëm një vit, për gjashtë kryebashkiakë

20 Janar 2022, 11:39, Politikë CNA

Presidenti Ilir Meta më në fund pranoi se gaboi me shtyrjen e datës së zgjedhjeve në 2019 dhe njohu zyrtarisht zgjedhjet e qershorit të atij viti, të cilat i dekretoi dhe më pas i çdekretoj.

Zgjedhjet u zhvilluan. PD dhe LSI, pra Opozita nuk hyri në zgjedhje, pasi kishte djegur mandatet. Dhe u falën në tavolinë 61 bashki.

Disa prej tyre patën probleme.

Së pari, disa kryebashkiakë dolën me probleme të dekriminalizimit. Rrugës një prej tyre u arrestua, një ka humbur jetën dhe janë gjashtë bashki për të cilat duhet të zhvilloheshin zgjedhjet, pasi prej gati tre vitesh ishin pa kryebashkiakë.

Në fakt presidenti sot shpalli datën e zgjedhjeve lokale, të cilat vinë në një kohë, ku opozita është e ndarë në dy kampe. Lulzim Basha icili ka kapur vulën dhe e ka blinduar godinën. E nga ana tjetër Grupi i Rithemelimit, i cili e shkarkoi Lulzim Bashën në Kuvendin e 11 Dhjetorit.

Të dy palët duhet të shkojnë në zgjedhje.

cna news, cna lajme, lajme cna, lajme flash cna, cna.al, cna lajme politike,Grupi i Rithemelimit ka njoftuar primaret.

Lulzim Basha ende nuk ka thënë asnjë fjalë.

Në fakt zgjedhjet do të mbahen ne 6 mars. Kryebashkiakët që do të zgjidhen do të jenë në detyrë, vetëm për një vit.

Pasi në vitin 2023, në fundin e pranverës apo fillimin e verës, në maj ose në qershor të vitit të ardhshëm do të kemi zgjedhje lokale.

Pra, këto gjashtë bashki do të kemi gjashtë kryebashkiakë që do të rrinë vetëm një vit në detyrë.

Shumica e tyre nuk do të arrijnë dot të ngrohin karriget. Do të marrin drejtimin e një institucioni me një buxhet të miratuar më përpara nga nënkryetarët apo personat e komanduar që kanë drejtuar këto bashki dhe do të hartojnë vetëm buxhetin e vitit të ardhshëm. Që në fakt do të jetë një buxhet tranzitor, sepse mandat i tyre do të përfundojë në gjysmën e parë të vitit të ardhshëm.

Pra, Shqipëria për herë të parë do të ketë një numër të madh bashkish, 6 kryebashkiakë, 10% e totalit të bashkive, të cilët do të jenë kryebashkiakë vetëm për një vit. Sa për të ngrohur karriget apo për të marrë rrogën. Pasi për të zhvilluar projekte apo investime, kjo do të jetë thuajse e pamundur./CNA.al





Lajmet e fundit nga