E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Shpërndanin heroinë dhe kanabis/ E pësojnë keq dy të rinjtë

20 Janar 2022, 08:57, Kronika CNA

Policia ka arrestuar 2 shtetas të cilët shpërndanin doza heroine dhe kanabis. Shtetasit e arretsuar janë F.M., 25 vjeç dhe A.M., 35 vjeç, të dy banues në Kuçovë dhe të dënuar më parë për veprën penale “Prodhimi dhe shitja e lëndëve narkotike”.

“Goditet një rast i shpërndarjes së lëndëve narkotike në doza.Bien në prangat e Policisë, 2 shtetas që posedonin dhe shpërndanin lëndë narkotike heroinë dhe cannabis sativa.Sekuestrohen lëndë narkotike heroinë e ndarë në doza, cannabis sativa, fara kanabisi dhe metadon.

Specialistët për Hetimin e Narkotikëve dhe Trafiqeve të Paligjshme, në bashkëpunim me Komisariatin e Policisë Kuçovë dhe me Forcën Operacionale në DVP Berat, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike, bazuar dhe në informacionet e siguruara në rrugë operative, kanë goditur një tjetër rast të veprimtarisë kriminale të prodhimit dhe shitjes së narkotikëve. Si rezultat u bë kapja dhe arrestimi në flagrancë i shtetasve:

F.M., 25 vjeç dhe A.M., 35 vjeç, të dy banues në Kuçovë, të dy të dënuar më parë për veprën penale “Prodhimi dhe shitja e lëndëve narkotike”.

Arrestimi i tyre u bë pasi janë kapur në flagrancë nga shërbimet e Policisë, duke shpërndarë lëndë narkotike, në lagjen “Llukan Prifti”, Kuçovë.

Në cilësinë e provës materiale janë sekuestruar doza me lëndë narkotike heroinë, lëndë narkotike cannabis sativa, fara cannabis sativa dhe metadon.

Gjithashtu, nga specialistët për Hetimin e Krimit në Komisariatin e Policisë Kuçovë u procedua penalisht shtetasi I. P., 47 vjeç, banues në Kuçovë, pasi gjatë kontrollit të ushtruar në lokalin e tij, në lagjen “Llukan Prifti”, Kuçovë, u konstatua duke ushtruar aktivitetin e paligjshëm të lojërave të fatit.

Materialet i kaluan Prokurorisë së Rrethit Gjyqësor Berat, për veprime të mëtejshme“, njofton policia./CNA.al