Meta i revoltuar/ Lëviz edhe kartën e fundit para shkarkimit

14 Janar 2022, 12:00, Politikë CNA

Ilir Meta duket se po ndjen fundin si President, ndonëse mandati i mbaron në Korrikun e këtij viti.

Në një konferencë për mediat, Meta sulmoi Gjykatën Kushtetuese në lidhje me vendimin për zgjedhjet e 30 Qershorit, vendim i cili është shapllur që në muajin Dhjetor të vitit që lamë pas.

Ai ka shenjëstruar relatoren e çështjen Fiona Papajorgji por edhe anëtarët e tjerë, duke thënë se kanë nxjerrë një vendim me plot shkelje të rënda pasi ka rrëzuar kërkesën e shoqatës së Bashkive me arsyetimin se nuk bëjnë pjesë në juridiksion.

Një shkelje tjetër sipas tij është se për çështjen e 30 Qershorit nuk u hodh short.

?Kemi nisur procedurat për zgjidhjen e çështjes. I dërgova letër Komisionerit Shtetëror për zgjedhje. Unë kam bërë një akt patriotik me anulimin e zgjedhjeve pasi shmanga një konflikt?, është shprehur ai, duke përdorur kështu zgjedhjet e pjesshme si kartën e fundit.

Por, në fund Meta duket se është ?dorëzuar? dhe bëri të ditur se ka filluar procedura për zgjedhjet vendore, në bashkitë pa kryetar, me pretendimin se cënohet shërbimi ndaj qytetarëve.

I pyetur nga gazetarët nëse do të konsultohet me partitë politike për një datë, Meta tha se nuk ka çfarë të konsultojë, ndërsa shtoi se i ka nisur një shkresë Komisionit Shtetëror të Zgjedhjeve. Edhe pse në media nuk publikoi asnjë shkresë.

?Sot jemi këtu se kemi filluar procedurat për zgjedhjet që nuk mori zgjidhjet. Prej kohësh kemi një situatë absurde, në disa bashki pa kryetarë, dhe në cënimin e shërbimeve të qytetareve. Kjo situatë nuk mund të rrijë pa zgjidhje edhe pse disa u intereson disave, por jo qytetarëve.

Presidenti nuk ka ca pret më sepse priti vendimin dhe dha një mosvendim prandaj duke konstatuar se këto institucione nuk po funksionojnë ose konstatojmë se ata nuk bëjnë asgjë, edhe pse është ngritur si shqetësim nga mediat dhe nga aktorë të tjerë pikërisht jam këtu për të bërë me dije se kanë filluar proceduar për ti dhënë fund kësaj për zgjedhjet e 30 qershorit të 2019.

I kam dërguar një letër Komisionerit Shtetëror të Zgjedhjeve për këtë situatë dhe pres përgjigje.?-tha Meta./E.S-CNA.al