web counter
LEXO PA REKLAMA!

SHKARKO APP

App Store
Google Play

Një sfidë pa histori në “Olimpico”, super Torino shkatërron Fiorentinën

10 Janar 2022, 18:03, Sport CNA

Nuk ka histori ndeshja e luajtur në stadiumin ?Olimpico Grande Torino?, pasi Torino ka shpartalluar 4-0 skuadrën e Fiorentinës.

Vendasit kanë vulosur fitoren që në pjesën e parë, pasi falë golave të Singo dhe Brekalo (2) kanë mbyllur në avantazh të trefishtë 45 minutat e para të kësaj sfide.

Sanabria shënon edhe golin e katërt në fraksionin e dytë të lojës dhe Torino merr fitoren e parë në këtë vit të ri. Nis në mënyrën më të keqe viti 2022 për Fiorentinën, që për asnjë moment nuk u fut dot në lojë në këtë sfidë. Skuadra ?vjollcë? ka qenë shumë larg paraqitjeve të vitit të kaluar dhe ka zhgënjyer totalisht në trasfertën e sotme në Torino.

Mungojnë rastet e pastra në 15 minutat e para të sfidës, por Torino arrin të zhbllokojë ndeshjen me anë të Singo. Më pas skenën e merr Brekalo që shënon një dygolësh dhe kjo ndeshje nuk ka më histori. Fiorentina nuk rrezikon asnjëherë në portën e debutuesit Gemello në 45 minutat e para të lojës.

Miqtë mundohen që të reagojnë me fillimin e pjesës së dytë, por asnjëherë nuk shfaqen rrezikshëm në portën e Torinos. Janë sërish vendasit ata që gjejnë rrugën e rrjetës me anë të Sanabrias. Tekniku Italiano hedh në fushë edhe Ikone, por duket qartë që kjo nuk është dita e duhur për Fiorentinën.

Përfundon 4-0 në Torino. Të besuarit e Juric nisin në mënyrën më të mirë këtë vit, duke marrë një sukses me vlera, ndërsa Fiorentina ishte shumë larg skuadrës që kemi parë gjatë vitit 2021.

Itali-Serie A / Java e 21-të

Torino-Fiorentina 4-0

Singo 19?, Brekalo 23?, 31?, Sanabria 58?





Lajmet e fundit nga