E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

“Pse Saimir brava jam unë”/ Korreshi braktis Bashën

7 Janar 2022, 19:06, Politikë CNA

Deputeti Saimir Korreshi, ka refuzuar të përdorë ?stilin? e kryetarit të shkarkuar Lulzim Basha për të mbyllur dyert me dry.

I ftuar në emisionin të ?Të Vaksinuarit?, Korreshi ka deklaruar se të gjithë anëtarët në degën e PD në Lushnje mund të hyjnë brenda në zyrë.

Sipas Korreshit nëse do të arrinte deri në këto nivele do ishte turp për ata që e drejtojnë këtë degë.

Pjesë nga biseda

Kalaja: A ju binden anëtarët e PD për të bërë mbledhje?

Korreshi: Po patjetër që mblidhen dhe binden. Është anormale kjo që po ndodh në PD, kurdo ka pasur mendime ndryshe. Votimi për referendumin u bë brenda selisë së PD në Lushnjë.

Kalaja: A do vendosni edhe ju brava të reja në dyert e selisë së PD në degën e Lushnjës?

Korreshi: Pse Saimir Brava jam unë? Unë jam Saimir Korreshi. Nëse do kalojmë në këto nivele do ishte turpi ynë që drejtojmë në këto degë.

Në selinë e PD në Lushnjë, kanë 20 çelësa dhe kushdo anëtar mund të hyjë. E kuptoni që lëvizja juaj ka sjellë pasoja?

Kalaja: E keni ndjekur referendumin e bërë?

Korreshi: Nuk e kam ndjekur dhe nuk merrem me verifikime. Kam qenë në kuvendin e thirrur nga PD në datën 18 dhjetor. Nga Lushnja kanë ardhur edhe simpatizantë jo vetëm delegatë.

Kalaja: Për të mbushur sallën?

Korreshi: Jo po për të mbushur vaporin. Nuk më është kërkuar asnjëherë që unë të organizoja një ?foltore? të PD. Ka mundësi që festën e PD në Lushnjë ta organizojë dikush që vjen nga Tirana? Jo, por kjo ka ndodhur në Lushnjë.

Nuk mund të them se do jetë ditë me diell por shpresoj që 8 janari të mos thellojë krizën brenda PD. Për demokratët e Lushnjës kam kohë gjithë ditën dhe natën dhe kurrë nuk kam thënë që këta të fundit kanë qenë gabim.