“Shumica vendos, pakica respektohet”/ Berisha i vë “kufi” Bashës, mesazhi për administratën e PD

7 Janar 2022, 12:33, Politikë CNA

Ish-kryeministri Sali Berisha në një deklaratë për mediat para selisë së PD, ka bërë deklarata të forta.

Berisha paralajmëroi Lulzim Bashën, se ai është pakicë dhe në demokraci, nuk vendos pakica por shumica.

Po ashtu, Berisha i drejtoi edhe një mesazh të fortë punonjësve të Partisë Demokratike, ndëersa theksoi se protesta e nesërme nuk ka të bëjë aspak me ata, por vetëm me Lulzim Bashën.

?Unë me këtë rast duhet tiu sqaroj cdo qytetar, cdo demokrat se qëndrimi ynë nuk ka të bëjë me një zyrë, karrige, e gjera të tilla, por ka të bëjë me zbatimin e parimit më themelor mbi të cilin ndërtohen organizatat e lira, shoqëritë e lira, vendet e lira.

Ka të bëjë me atë parim sipas të cilit shumica vendos, pakica respektohet.

Në qëndrimin e deputetit Basha del e qartë si drita e Diellit, se ai si pakicë kërkon të dhunojë shumicën. Kërkon tu konfiskojë shumicës me një akt marrëzie ndërtesën e saj, shtëpinë e demokratëve, duke e trajtuar atë njëlloj sikur ta ketë pronë personale.

Pra, dhe një herë kemi të bëjmë me një parim themelor të demokracisë dhe de fakto me një përpjekje të jashtëzakonshme dhe kriminale për asgjësimin e pluralizmit politik në shqipëri. Për shdnërrimin në brava dhe dyer të blinduara për të mbrojtur individë që nuk kanë asnjë lloj morali politik e njerëzor.

Ftoj sott ë gjithë anëtarët e PD, 44 mijë anëtarë dhe anëtare të PD, por dhe të gjithë të tjerët, atyre që firmosën shkarkimin e kryetarit për dhunimin e statutit dhe çdo norme tjetër demokratike në PD.

Ftoj të gjithë anëtarët dhe anëtaret e PD të bashkohen për të marrë në dorëzim shtëpinë e tyre, për ta shndërruar atë në shtëpi lirie, në një protestë paqësore, një ngjarje madhore të revolucionit tonë paqësor.

Garantoj të gjithë punonjësit e kësaj ndërtesë se protestuesit nuk kanë as edhe hatërmbetjen më të vogël ndaj tyre. Të qëndrojnë të qetë. Problemi i vetëm që kanë është hapja e dyerve të kësaj shtëpie dhe çlirimi i saj nga peng Basha.

Nesër unë ftoj të gjithë deputetët e PD të jenë këtu me anëtarët e tyre, të bashkohen këtu. Nuk mund të pranoni këtë tragjedi që luhet në klurrizin tuaj për interesa të Edi Ramës”-tha Berisha./CNA.al