web counter
LEXO PA REKLAMA!

SHKARKO APP

App Store
Google Play

“PD nuk është vendstrehim”/ Këlliçi: Kjo është diferenca mes Lulzim Bashës dhe Fatos Nanos

6 Janar 2022, 21:29, Politikë CNA

Bunkerizimi i PD nga Lulzim Basha është një nga veprimet më të rralla që nuk ka ndodhur asnjë herë, nga asnjë parti gjatë viteve të demokracisë.

Deputeti Belind Këlliçi, përmes një postimi në rrjetin social shkruan se Fatos Nano ishte kryetari i partisë në pushtet në vitin 2001 kur zbriti në bazë për të parë nëse ishte shumica. Ai shton se Basha nuk e ka bërë asnjë herë këtë gjë, dhe nëse do të ndodhte kjo gjë ai mund ta kishte fituar betejën politike me votë, njësoj si Nano.

Sipas Këlliçit, PD nuk është vendstrehim, duke i bërë thirrje Bashës se nuk ka derë të blinduar që mban jashtë shumicën

?Fatos Nano ishte kryetar i partisë në pushtet kur në vitin 2001 zbriti në bazë për të vërtetuar se ishte shumicë. Mund të mbyllej në seli, mund të blindonte dyert si Basha por nuk e bëri. E fitoi betejën politike me votë. Mund ta fitonte edhe Basha nëse do të njihte votën si instrument politik. Por kjo nuk ndodhi, sepse Basha ka një raport të munguar me votën dhe të vërtetën.

Partia Demokratike nuk është vendstrehim.

Liria depërton kudo. Nuk ka derë të blinduar që mban jashtë shumicën. Harroje!?, shkruan Këlliçi./CNA.al





Lajmet e fundit nga