web counter
LEXO PA REKLAMA!

SHKARKO APP

App Store
Google Play

E fundit!

x

Dyfishohen ardhjet në portin e Vlorës, shqiptarët në atdhe për festa

30 Dhjetor 2021, 15:15, Aktualitet CNA

Të shumtë janë qytetarët shqiptarë që jetojnë jashtë vendit të cilët festën e ndërrimit të viteve kanë zgjedhur ta kalojnë pranë familjeve.

Situata e rënduar nga pandemia e COVID-19 në Itali, aty ku jetojnë shumica e qytetarëve vlonjat ka shtyrë ata që të rikthehen në atdhe për të festuar.

?Dy vjet e gjysmë pa ardhur, kemi ardhur për pushime?, tha një shqiptare që jeton në Itali.

Shefi i përpunimit në portin e Vlorës, Festim Skëndaj tregon se në krahasim me një vit më parë, fluksi i personave që janë kthyer është dyfishuar.

?Si vit pandemie në krahasim me vjet jemi gati dyfish në kuptimin e lëvizjeve qoftë hyrje qoftë dalje, por nga normaliteti jemi ulët. Nuk është situata si në verë, por gjatë këtyre ditëve kanë hyrë 2000 mijë veta dhe kanë dalë 1000 nëse flasim nga Krishtlindja e këtej. Nëse vjet ishin 2000 pasagjerë që lëviznin gjatë dhjetorit në hyrje sivjet kemi 4200?, tha Festim Skëndaj.

?Ka qenë traditë që festat e fundvitit të festohen bashkë, por kufizimi i lëvizjes ka bërë që të jetë nën nivele të viteve të kaluar para pandemisë. Para pandemisë kemi pasur 40 mijë hyrje?, shtoi ai.

Vetëm këtë të enjte në portin e Vlorës janë 200 qytetarët që kanë ardhur. Fluksi është në rritje, pas një periudhe të errët si pasojë e masave tëe marra për parandalimin e pandemisë./Euronews





Lajmet e fundit nga