E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Vala e Omicron/ Një tjetër shtet bëhet gati për dozën e katërt të vaksinës anti-COVID

25 Dhjetor 2021, 08:16, Lifestyle CNA

Austria po bëhet gati të ofrojë dozën e katërt të vaksinës anti-COVID për punonjësit e shëndetësisë.

Bordi Kombëtar i Vaksinimit teksa bëri me dije vendimin tha se nuk kishte të dhëna të mjaftueshme shkencore për të rekomanduar që vaksinat e katërta të jepeshin te një kategori më e gjerë njerëzish.

?Në funksion të një vale të afërt Omicron, një doza e katërt vaksinimi mund të ofrohet në zonat me rrezik të lartë (p.sh. personeli i kujdesit shëndetësor i ekspozuar) dhe në zonat kritike sistematike gjashtë muaj pas vaksinimit me doza të tretë?, tha bordi.

Austria njoftoi të mërkurën se do të forcojë përsëri kufizimet anti-COVID nga 27 dhjetori për të ngadalësuar përhapjen e Omicron për festa.

Që nga dita e Krishtlindjeve, pushuesve britanikë në Austri do t?u kërkohet të karantinohen nëse nuk kanë marrë 3 doza të vaksinës dhe duhet të tregojnë një test negativ PCR të marrë brenda 72 orëve.

Në nëntor, qeveria e Austrisë njoftoi një bllokim të katërt kombëtar dhe tha se do t?i bënte vaksinat të detyrueshme për të gjithë austriakët, duke u bërë kështu vendi i parë i Bashkimit Evropian që e bën një gjë të tillë, shkruan ABC Neës.

Izraeli ishte vendi i parë që lajmëroi se po planifikon të japë dozën e katërt të vaksinës kundër Covid-19 në kohën kur vendi po përgatitet për një valë të re infeksionesh, të shkaktuar nga varianti Omicron. Ekspertët e pandemisë në Izrael kanë rekomanduar dozën e katërt për punëtorët shëndetësorë dhe personat mbi moshën 60-vjeçare.

Vendimi për dhënien e dozës së katërt është ende në pritje të miratimit nga zyrtarët e lartë shëndetësorë. Megjithatë, zyra e Kryeministrit Bennett i tha BBC-së se po shpreson që ta ofrojë dozën e katërt të paktën katër muaj pas marrjes së dozës së tretë. Izraeli i ka ndaluar udhëtimet nga disa shtete, përfshirë Shtetet e Bashkuara, Gjermaninë, Italinë dhe Kanadanë, në përpjekje për ta luftuar përhapjen e virusit./CNA.al