web counter
LEXO PA REKLAMA!

SHKARKO APP

App Store
Google Play

E fundit!

x

SPAK të hetojë pastrim parash me pagat

23 Dhjetor 2021, 13:57, Aktualitet CNA

Dy database, të dala ditët e fundit në lidhje me pagat e muajit janar dhe prill 2021, tregojnë qartazi se ka një kërcitje të madhe dhe një diferencë të çuditshme midis pagave të disa personave. Kjo jo vetëm të kompanive private, por ajo që bie në sy janë kryesisht mediat.

Ka personazhe të cilët në dy muaj kanë arritur të marrin 400 milionë lekë të ardhura.

Pra një muaj 240, dhe një muaj 160, dhe të tjera si këto.

Database ka shumë të dhëna dhe lehtësisht një prokuror mjafton të kërkojë burimin e tyre. Dhe qartazi do kuptohet nëse është pastrim parash. Pra është lavatriçe pastrimi parash, duke përdorur rrogën në media, pasi kjo është një pushtet me vete, apo dikush ka kryer disa qoka apo influence korruptive në shtet dhe është paguar nëpërmjet segmenteve të caktuara, duke kaluar para nëpërmjet kanaleve mediatike.

Qartazi duket se disa personazhe publikë, analistë, gazetarë, etj, paguhen me rroga marramendëse, të cilat nuk i gjen as tek zyrtarët e lartë të Bashkimit Europian. Rroga që nuk i kanë as presidentët e SHBA.

Këtu nuk po flasim për biznesmenë dhe pagat e tyre. Por për politikanë, ish-politikanë, zyrtarë e ish-zyrtarë, të cilët kanë ikur nga politika, kanë hyrë në segmentet e medias, kanë hyrë në segmentet e biznesit dhe paguhen dhjetëra fish më shumë për influencën dhe aferat që ushtrojnë në skenën politike ditë pas dite.

Këtë duke përdorur median, duke përdorur pushtetin e qeverive, politikës, ministrat, tendera, gjobat, e kështu me radhë.

SPAK sot ka në dorë të tregojë se personazhe publike janë të përfshirë në skema pastrimi parash. Janë lavatriçja e parave të pista të korrupsionit, nga aksi qeveri-media, që në fakt më shumë ka pasuruar një grup njerëzish të cilët janë klientelë, e cila kur dështon në politikë futet në media apo shkon tek korrupsioni i ish-zyrtarëve apo bizneseve, thjeshtë dhe vetëm për të mbushur xhepat me paratë e taksapaguesve shqiptarë.

Pasi burimi i vërtetë i këtyre dhjetëra milionë, apo qindra milionë që u jepen disa personazheve vinë nga taksat e qytetarëve shqiptarë dhe koncesionet korruptive dhënë ndaj biznesit./CNA.al





Lajmet e fundit nga